有蒸氣 海鮮石鍋專門店 (Closed)

今日同朋友黎到尖沙咀食海鮮火鍋，見呢到係蒸氣鍋好似幾特別就黎左試下。首先黎到會有兩樣前菜，都幾惹味。我地點左粥底火鍋同埋幾樣海鮮，有蝦，扇具，鮑魚，魷魚，蠔等等。呢到嘅海鮮好新鮮，但又唔會腥，好鮮味，雖然佢有比豉油，但唔洗點都得，已經好夠味。同埋份量都好足，唔會話好細隻。我地叫左南瓜排骨粥，蒸完海鮮嘅水蒸氣會變番做水流入個粥底到，令到個粥有海鮮嘅鮮味。不過可能水太多令粥有啲稀，不過都唔影響味道。南瓜令到個粥有啲甜味，幾開胃。不過個粥較清淡，個人都幾鍾意，但鍾意濃味嘅人可能就會覺得淡。見唔算好飽就食埋呢到嘅糖水，不過就唔算特別，不過不失啦，都係海鮮比較好食。