鐵堂 (Closed)

佐敦開咗一間新嘅日式料理店，主要以日式定食、炭火燒、壽司為主。小店裝修以木系為主，有燒烤同非燒烤嘅坐位。而lunch 主打定食，餐牌以「金、銀丶銅、鐵」命名，同店名鐵堂好夾，可能想玩金屬元素。「銀」套餐由牛肉壽喜燒配上月見飯，再配上蟹肉可樂餅、炸雞同和枝豆。壽喜醬油味香濃，湯底偏甜。肥牛爽口，配上冬菇雜菜，十分飽肚。而蟹肉可樂餅香脆十足，蟹肉份量都好多。「金」套餐由照燒雞腿肉配上紫菜飯，再配上明太子雞翼、螺肉同枝豆。雞翼外脆內脆，明太子好多，多到裝滿咗成隻雞翼，而充滿住咸香。照燒雞扒嫩滑多汁，配上香甜嘅日式醬油，好夾餸飯。最後食埋啲清新嘅枝豆，十分滿足。