冰廠豆腐花 (Closed)

黎長洲一日遊梗係做足準備功夫啦.上網見到呢間隱世老字號嘅冰廠豆腐花，已經有20幾年歷史，黎左咁多次長洲都唔知有呢間豆花店！原因係唔突登去搵呢間店係唔會經過的。.豆花店唔近碼頭，亦都有d遠離大街，行15分鐘左右，係消防局附近，又唔算好遠既。唔怪得話佢隱世啦.豆腐花口感幼滑，又熱又曬又渴個陣歎返碗冰凍豆花，簡直係perfect match~~!! .店舖係好簡樸，只係喺户外放左幾張枱同凳，但反而有種好地道嘅感覺同味道! 風味十足！