一茗堂 (南山商場) (Closed)

今次我哋嚟到石硤尾南山邨🏠，呢度除咗打卡好啱之外，亦都有好正嘅街坊西餐廳👅。呢間舖頭嘅另一間分店位於馬鞍山酒店裏面，而且晚市嚟到都幾有人氣🙌🏻，睇嚟質素有保證。呢度服務亦都唔錯，親切有禮🥰。.🐑鐵板紐西蘭羊架配薯菜($128)份量夠晒多！而且食落羊肉同埋羊脂肪嘅比例平衡😋，既食到軟腍嘅肉質，亦都有脂肪嘅香味，鍾意食濃濃羊味嘅朋友會好enjoy😝。而且配埋薯菜，份量超級飽肚。.🐔鐵板雞扒伴北海道帆立貝配薯菜($98)雞扒夠晒大塊！配埋港式鐵板嘅醬汁，滋滋聲咁響♨️，亦都將香味薰咗入去嘢食裏面。醬汁配埋帆立貝都好夾🤩。.🥭熱情果芒果撻($38)酸甜適中，口感啱啱好👍🏻！熱情果同埋芒果兩種熱帶水果味道真係好夾，而且佢哋嘅酸甜滋味💦，加埋個撻夠凍，中和咗牛油嘅濃郁感，令到食落夠輕盈🎐。.🌹養顏玫瑰花果茶(+$15)玫瑰香配埋茶好夾。而且味道帶有玫瑰嘅天然酸味，好開胃💐，而且係無糖冷泡茶，飲落冇負擔。.🍵水果茶(+$3)生果嘅天然果香，夠晒好飲🥳！配埋嘢飲嘅冰凍，好夾熱辣辣嘅鐵板。