阿麥廚房 (Closed)

今日去銅鑼灣行下街，順便搵下食咩。行經加路連山道，記得之前食過呢間阿麥廚房，好食嘅梗係要一試再試啦。餐廳設計好靚，好有情調。晚餐有前菜、湯、主菜同飲品。蟹肉南瓜忌廉湯，絲絲嘅蟹肉配鮮甜嘅南瓜，好濃好香好滑。龍蝦湯湯，味道濃郁，好creamy。香煎法國鵝肝配焦糖酒醋藍莓，鵝肝煎得香脆，油脂十足，入口即溶，配上焦糖酒醋藍莓減輕鵝肝嘅油膩感。煙三文魚黑魚子蛋白沙律，口感清新，加上黑魚子味道非常獨特。德國式燒咸豬手，豬手皮脆卜卜，肉十分滑嫩，非常入味，十分細心已將肉切件，食起來十分方便，可埋秘製醬汁，仲有香脆嘅薯條同沙律菜。黑魚子麵包蟹意大利飯，意大利飯非常乾身，加上大量蟹肉及黑魚子，味道非常配合。最後配上兩杯香濃嘅咖啡，而且賣相非常吸引，絕對係完美嘅一餐。