Nafafa Thai Cuisine & Lounge (Closed)

朋友係銅鑼灣返工，發現一間樓上高質泰國菜，話我咁鍾意食，點都要試下。餐廳環境寧靜舒適，酒品類多，岩晒鍾意把酒聊天的朋友。🌟前菜細細份，但賣相好吸引，清甜的菠蘿作餅底，配肉碎，淡淡的檸檬味，酸酸甜甜，開胃一流。🌟#帶子柚子沙律足料份量足，厚肉彈牙的帶子， 鮮甜嫩滑，配搭鮮甜多汁的柚子，好好味！而且仲有香辣的泰式醬汁，非常醒胃惹味。十分推薦！🌟#肉碎生菜包（豬）好有風味的地道菜，香茅、紅蔥頭、辣椒配料好惹味，配上生菜新鮮可口，完全沒有油膩感，仲愈食愈停唔到口。🌟#炭燒泰國大河蝦龍蝦食得多，但第一次見咁大隻河蝦，好似成隻龍蝦甘大，原來喺呢度嘅特色菜！蝦肉實，而且爽口彈牙，滿滿蝦膏，配上秘制的醬汁，非常滋味！🌟#馬莎文牛肉咖喱及烤餅牛肉味重，軟腍入味，配番薯，好特別，味道唔錯。咖喱很惹味，配上香糯的烤餅，飽腹感十足，好味😋🌟#甜品芒果糯米飯、泰式奶茶及#青檸梳打甜品香甜好味，食停唔到口。奶茶冰塊，慢慢溶化，香滑濃郁，冰涼感正。青檸加埋梳打水做底，超解渴解膩，好👍🏻想不到銅鑼灣樓上有咁高質泰國菜，令人滿足嘅一餐，值得再來。