Video
Read full review
2023-04-27
2420 views
2023年4月14日 星期五今日帶左BB去科學園玩，好好享受最後一日假期既親子樂，夜晚就直接係埋科學園食埋飯先返屋企，無諗到依家科學園多左咁多餐廳我哋選擇左呢一間西餐廳，網上見到評價唔錯，而且去到嘅時候仲未到食飯時間，所以餐廳唔算太多人，但係當入座坐咗一陣之後，成間餐廳都坐滿客人，出面仲需要等位添餐牌上面有好多款食物可以選擇，價錢都唔算太貴，除咗全日早餐同三文治之外，仲有兒童餐可以俾小朋友，所以我哋點咗一個小食，兩個主菜同兒童餐，仲有飲品同甜品，店員都話足夠我哋三個人食等咗大約10分鐘左右，飲品就首先送到，左邊係老婆要既芒果益力多梳打，賣相幾靚，老婆話飲落去酸酸甜甜幾開胃，至於有手邊就係我要嘅青檸梳打，同樣地酸酸地幾清新，而且夠晒冰凍再嚟有BB嘅兒童餐，冇諗過咁豐富，除咗有炸魚薯條之外，仲有炸雞寶同蕃茄肉丸意粉，至於甜品就係啫喱糖，BB完全食唔晒，足夠一個大人食都得，炸薯條同炸雞寶都炸得好香脆，炸魚甚至係做到外脆內嫩，一啲都唔馬虎呢個係蕃茄蓉肉丸闊條麵，肉丸除咗份量多之外，仲好大粒，一咬落去肉汁即刻流晒出嚟，而且肉味好濃郁，闊條麵彈牙之餘仲好掛汁，每一啖都食到蕃茄味，啱晒鍾意食蕃茄嘅老
今日帶左BB去科學園玩，好好享受最後一日假期既親子樂，夜晚就直接係埋科學園食埋飯先返屋企，無諗到依家科學園多左咁多餐廳
我哋選擇左呢一間西餐廳，網上見到評價唔錯，而且去到嘅時候仲未到食飯時間，所以餐廳唔算太多人，但係當入座坐咗一陣之後，成間餐廳都坐滿客人，出面仲需要等位添
餐牌上面有好多款食物可以選擇，價錢都唔算太貴，除咗全日早餐同三文治之外，仲有兒童餐可以俾小朋友，所以我哋點咗一個小食，兩個主菜同兒童餐，仲有飲品同甜品，店員都話足夠我哋三個人食
等咗大約10分鐘左右，飲品就首先送到，左邊係老婆要既芒果益力多梳打，賣相幾靚，老婆話飲落去酸酸甜甜幾開胃，至於有手邊就係我要嘅青檸梳打，同樣地酸酸地幾清新，而且夠晒冰凍
再嚟有BB嘅兒童餐，冇諗過咁豐富，除咗有炸魚薯條之外，仲有炸雞寶同蕃茄肉丸意粉，至於甜品就係啫喱糖，BB完全食唔晒，足夠一個大人食都得，炸薯條同炸雞寶都炸得好香脆，炸魚甚至係做到外脆內嫩，一啲都唔馬虎
呢個係蕃茄蓉肉丸闊條麵，肉丸除咗份量多之外，仲好大粒，一咬落去肉汁即刻流晒出嚟，而且肉味好濃郁，闊條麵彈牙之餘仲好掛汁，每一啖都食到蕃茄味，啱晒鍾意食蕃茄嘅老婆
呢一個係愛爾蘭健力士牛肉批，第一次喺香港嘗試，之前都只係喺外國食到，一切開酥皮，即刻有煙走出嚟，熱辣辣，酥皮點埋醬汁一齊食好夾，而且牛肉同紅蘿蔔都焗到好腍，唔需要用刀切都切得開，完全係高水準之作，強烈推薦！！
小食方面有脆炸魷魚圈，份量都幾多，而且炸漿好薄又唔太油膩，加左檸檬汁同沙律醬點埋一齊食味道更加好，而家突出魷魚嘅鮮味
最後甜品有傳統鮮檸檬撻，檸檬味好突出，酸酸地，可以中和晒剛才食物既肚滯感，而且上面嘅忌廉唔會太過甜，整體味道好平衡
食咗咁多嘢埋單都只係六百幾蚊，性價比好高，而且份量真係好多，我哋三個都食到好飽！！
Post
