CHiLL-i (Closed)

Weekend去到觀塘做facial, 順便係觀塘食個lunch~ 觀塘工廠大廈一直都好多野食，價錢都唔會好貴🤓今次揀左呢間位於駱駝漆嘅CHiLL-i，  西餐廳以簡約的水泥牆作裝潢，lunch set 有好多選擇，店員服務耐心有禮貌，食物質素高，會再回訪🥳 ✨沙律/湯🥗沙律好新鮮，配埋柚子醋酸酸地好開胃，餐湯係南瓜湯，夠熱都有南瓜蓉，好飲😌 ✨烤松葉蟹蓋甲羅燒鰹魚飯素意大利飯 $128 🦀️呢個好有驚喜！意大利飯軟硬適中，食落好creamy，蟹肉同蟹膏好濃味同香，配埋意大利飯，每一啖都好享受🥰🥰 ✨忌廉芝士蟹肉牛油果法式酸種吐司配香脆薯條 $98吐司用左酸種包, 十分脆口，上面鋪滿左新鮮嘅蟹肉同蟹籽，瞬間提升鮮味，配埋牛油果，味道清香，加埋一起食口感多元化~🤪薯條似扭扭薯條，炸得好脆口，呢個餐豐富又好味🤤 ✨豆腐魚餅 $28外層煎至金黃，裏面仍軟嫩😋 ✨蜂蜜柚子梳打 🍹+$28✨玫瑰鮮奶咖啡 ☕️ +$15蜂蜜柚子梳打充滿柚子香味，好清新，又有d酸酸甜甜，好正☺️玫瑰鮮奶咖啡上面有玫瑰花瓣，帶淡淡玫瑰香加咖啡香味，原來都好夾😜