Video
Read full review
2016-04-28
2039 views
喺要連續食一個星期意粉前嘅一個lunch，食乜好呢？好似好耐冇食過日本嘢，不過時間又唔係多，呢度好似OK喎。其實唔難搵，因為門口已經黐咗好多好多單張，老實講，係多到眼花一推門入去，有3張高檯及好多好多單張。老闆問我想食乜嘢，本身想外賣，不過外賣拉麵好似唔太方便，所以最後都係決定坐低食。原來呢度下午5點先開(開到半夜)，不過既然我嚟到，老闆話煮嘢俾我食啦，真係好，唔使再搵食乜！食物種類好有趣，例如日式臘味炒飯、皮蛋、紅棗水、泰式飲品等，乜呢度唔係居酒屋嚟㗎咩？我叫咗個鰻魚飯，大雄叫咗個走地雞拉麵。冇錯，係走地雞配拉麵！落咗單之後走入去睇吓，呢度外面係食嘢嘅，入面就係迷你超市。賣嘅嘢又係好多元化，例如電話殼、超級多嘅酒、飲品、日式韓式調味料、意粉(都有？！)、雪藏海鮮、飛驒牛、黑毛豬....... 最特別嘅係啲酒可以隨便試飲，試到啱先買！大雄呢隻酒鬼即刻試飲日本手工啤，一飲鍾情，要即時拎一支出去一路食嘢一路飲喎鰻魚飯 ($88)呢度雖然係日式居酒屋，不過感覺好casual好屋企咁，所以餐具上都會比較隨意，唔好當呢度會係用一個好靚嘅木盒放鰻魚飯啊！老闆用咗一個好大嘅碗上菜，哇燒過嘅鰻魚好香啊
一推門入去，有3張高檯及好多好多單張。老闆問我想食乜嘢，本身想外賣，不過外賣拉麵好似唔太方便，所以最後都係決定坐低食。原來呢度下午5點先開(開到半夜)，不過既然我嚟到，老闆話煮嘢俾我食啦，真係好，唔使再搵食乜！
食物種類好有趣，例如日式臘味炒飯、皮蛋、紅棗水、泰式飲品等，乜呢度唔係居酒屋嚟㗎咩？我叫咗個鰻魚飯，大雄叫咗個走地雞拉麵。冇錯，係走地雞配拉麵！
落咗單之後走入去睇吓，呢度外面係食嘢嘅，入面就係迷你超市。賣嘅嘢又係好多元化，例如電話殼、超級多嘅酒、飲品、日式韓式調味料、意粉(都有？！)、雪藏海鮮、飛驒牛、黑毛豬....... 最特別嘅係啲酒可以隨便試飲，試到啱先買！大雄呢隻酒鬼即刻試飲日本手工啤，一飲鍾情，要即時拎一支出去一路食嘢一路飲喎
鰻魚飯 ($88)呢度雖然係日式居酒屋，不過感覺好casual好屋企咁，所以餐具上都會比較隨意，唔好當呢度會係用一個好靚嘅木盒放鰻魚飯啊！老闆用咗一個好大嘅碗上菜，哇燒過嘅鰻魚好香啊！！！旁邊有一堆越光珍珠米，飯粒本身已經好香，加上黑芝麻及蔥粒，飯又夠硬，口感十足！旁邊仲有啲椰菜，第一次食鰻魚飯有椰菜喺側邊！傾傾吓計先知道原來呢條肥美嘅鰻魚係來自京都，老闆識嗰度嘅人所以可以平啲入貨。$88可以食到個全部材料都係來自日本嘅鰻魚飯？！會唔會太抵食啊？！
鰻魚飯
$88
104 views
0 likes
0 comments
湯底係用豬骨及雞骨一齊煲，絕無味精，又唔油膩，所以老闆叫我哋飲多幾啖。大雄覺得豬骨味好濃，濃到蓋過咗雞骨嘅味道。走地雞係呢度嘅招牌菜，果然雞肉非常嫩滑，味道鮮甜，雞皮下冇乜脂肪，忍唔住好想食埋雞皮.... 想吓啫都係... 同樣有好多椰菜，感覺上呢個拉麵比平時食開嘅拉麵健康好多
走地雞拉麵
$78
87 views
0 likes
0 comments
第一口有啲啤酒嘅苦澀，不過麥味甚重，大雄話好耐冇飲過啲啤酒係咁重麥味...
日式手工啤酒
$48
80 views
0 likes
0 comments
購物滿$300可以做會員，買肉類有7折。老闆會喺冰櫃度拎大大舊肉出嚟，再一路磅一路切，切到啱心水為止。下次夜晚嚟食晚飯，之後買定啲飛驒牛、黑毛豬返去打邊爐都好喎！
Post
