上海老家 (Closed)

位置雖然唔係大街岀面，但係都見到好多人過嚟買外賣同堂食。上海炒年糕 $78去到上海舖肥妹仔一定會叫炒年糕食！佢嘅年糕炒得一啲都唔油膩，煙煙韌韌，老抽上色好靚，咸度適中。有肉絲同埋椰菜，上枱嘅時候熱辣辣，好好食。黑醋小排骨 $138呢個值得一讚排骨，排骨炸得好香脆，入邊咬落去肉汁爆出嚟。黑醋嘅味酸酸甜甜，超級開胃，食落去個醬汁好濃厚。四川臘肉炒椰菜花 $138肥妹仔第一次食四川臘肉，原來同廣東臘肉好唔同！四川臘肉係有一浸煙熏味，佢嘅肥肉偏多，但係食落去一啲都唔肥膩，反而好似啲牛筋咁樣煙煙韌韌。椰菜花爽口好食。