串酒里 (Closed)

呢間餐廳吾系上網見到介紹，都應該吾會自己發掘到，因為佢位置好隱蔽，系條巷仔入面。食物款式幾多選擇，價錢同一般既差唔多。札幌芝麻香燒餃子雞翼 $49餃子雞翼去左骨，入面讓左啲蟹籽，有少少辣，但幾惹味。鹽燒日本甜薯 $25甜薯有4粒，甜甜地又咸咸地。香脆蜜糖燒新鮮粟米 $29粟米除左蜜糖既甜味，仲食到粟米本身既甜味。黃金蒜蓉燒日本廣島蠔 $88海量既蒜蓉蓋滿哂成隻蠔。蠔比想像中大隻，而且吾系燒到全熟，所以保留左少少海水鮮味。黃金蒜蓉燒扇貝 $88同樣海量既蒜蓉蓋滿哂成隻扇貝，扇貝就正常發揮。豚肉腐皮卷 $48外面系豚肉片包住腐皮，再加左孜然粉去燒，咬落去有豚肉既肉汁，燒出黎仲juicy，而且好易咬開。錫紙蒜蓉牛仔骨 $68一客有4件牛仔骨，都幾多肉。用錫紙包住燒可以保留肉汁，吾會朝身，牛仔骨既肉都好易咬開。燒豬仔脾 $59用左孜然粉去燒，吾太咸，好惹味。豬仔脾都多肉，而且都好易咬開，會想encore既一道串燒。呢度地方較細，大約5張枱左右，所以建議大家訂定位先。