九份•十分 (河畔花園) (Closed)

台灣美食一向都係我鍾意既食物之一。之前已經聽朋友提起過依間，所以就約左朋友去食。餐牌既圖片相當吸引。太多選擇，實在花多眼亂，最後揀左2個主食，2個小食，2杯飲品。依個小食味道濃郁，豬手、鴨吞、雞件都好入味。個人覺得鴨吞最好味。鹽酥雞係新鮮炸起，嚟到熱辣辣，炸粉冇太厚。最特別係有6隻調味粉比你自己揀，自己落。個人認為紫菜、芝士、香辣都好夾，其他3隻都幾有趣，可以一試。牛肉麵個湯好香，易入口，牛肉/根都好易咬，唔’鞋‘。拌麵醬料夠，份量多，夾埋芭樂同菠蘿又幾清新同開胃，值得試。好大杯抺茶味好濃，唔會太甜，飲落好滑。一樣又係好大杯，士多啤梨味幾出，唔係人造味，果肉都算多，又係飲落好滑口。叫咁多野食都只係$406。