上海一品香菜館

Open Now

Now Closed

位於觀塘地鐵站出口嘅觀塘廣場，入面除左係以電子產品為主，還有一些賣衣服，找換店和餐廳小食店。位於三樓嘅呢間上海一品香在角落頭，位置不算易找，但係食開嘅都會知道點去，做熟客為主。我食左幾次，今次特登上open rice 到睇下，原來除左呢間之外，另外還有2家分店的。我幾次都係中午成大班人去食，叫一個8人餐，再加多加少嘢食，剛好。今次得3個人去食，所以選左個有湯嘅3人餐。三餸一湯配白飯。上海菜必食回鍋肉。屋企點炒都炒唔到嘅送，出面食特別好食，夠鑊氣，豆瓣醬嘅味道，菇菇加菜，再配塊五花腩，罪惡感之選(☆_☆)魚香茄子，我嘅最愛。呢到嘅魚香茄子加左d榨菜絲，令成碟嘅感覺更加豐富。軟軟嘅茄子，加d汁，撈飯食嘅首選。蝦仁炒蛋。呢到嘅炒蛋唔似得出面依家好興嘅滑蛋(不似牛乳滑蛋，不會還有蛋汁流出嚟)。係傳統性炒蛋，中式風味。再配上爽口蝦仁，正！呢到好在除了有一大班人嘅餐之外，有套餐，一人能計起，方便自己一條友食飯。溫馨提示一下，我地呢個3人餐，每人白飯就剩係得一碗，平時一定要食多飯嘅，麻煩自己額外叫一碗，9元。又或者拒有d一人餐，係每人包兩碗飯嘅，但碟送就會細dd，就睇你中意食送定係飯多d，任君選擇。