啡奴

Open Now

Now Closed

Cafe嘅位置都比較偏僻，而且門面亦都唔算太突出好容易錯過左。呢一間cafe帶有工業風格，個門口位已經係打卡位，非常之適合影相放上Instagram。入到去空間都好大，而且感覺上好寬敞，我估中午嘅時候應該會好多人，所以建議大家早少少過嚟，或者過咗食飯嘅時間！入到門口之後，就係佢哋嘅吧枱，點餐就要出返埋呢一度點。今次我就叫咗佢哋嘅牛油果醬配炒蛋多士（$50），另外加多$15就可以有佢哋嘅Latte，總共$65沒有+1服務費！以早餐來講個價錢合理。-個炒蛋都算好滑，個多士都有烤過，非常之香脆，你旁邊有少少沙律配合埋黑醋，而我唔係好食到佢哋嘅牛油果嘅味道。-如果咖啡嘅味道算OK，感覺上唔係太苦亦都唔係太酸，唔算話太特別！總括來講，呢一間cafe唔會有太大嘅驚喜，食物同飲品來講都不過不失，佢地好在可以坐喺度做吓嘢或者同朋友傾吓計。