海防串燒越南料理

Open Now

Now Closed

以前中學喺石硤尾讀，旁邊就係白田村，仲有好多平靚正嘅小店，完全係我地中學放lunch嘅回憶！今日剛好經過石硤尾，所以過來看看，回味一翻。短短幾年，呢度好多餐廳都唔同咗，所以想試下未食過嘅餐廳。離遠見到呢間海防串燒越南料理，店舖好細，但竟然有成四、五枱客，仲有人企喺度等緊外賣，好，一於試試呢間咁多人嘅餐廳啦！我地叫左一個香茅雞扒飯同一個香茅雞中翼飯。除左肉，每個飯有一隻蛋同少少菜。首先香茅雞翼同香茅雞扒都醃得夠入味，亦都係新鮮炸起，食落好熱好香口。另外，蛋大約七成熟，吉開剛好有少少蛋汁撈飯食，正！而飯亦有自家嘅豉油汁，唔係死咸嘅普通豉油，加上薑蔥蓉撈飯，整體食落去層次十足，味道豐富！雖然環境唔係好好，但呢個價錢食到呢個質素，不錯呢！