Video
Read full review
2023-11-23
696 views
朋友請食飯，揀咗位於中央圖書館隔離嘅名廚食晚飯。之前都有聽過呢間係「星」級中菜廳，好多明星都會嚟食，可能因為咁，入面私隱度都幾高，咁啱去果日地下果層無開，門口有職員叫你搭𨋢上一樓。頭盤叫咗個沙薑豬手，佢用新鮮沙薑整，食落去清新，切好一粒粒，作為前菜都唔錯。之後再叫咗個乳鴿，朋友話名廚乳鴿好出名，一早訂咗幾隻，一人半隻share食。皮脆唔在話，撕開隻鴿果陣啲肉汁流晒出嚟！雖然話鴿肉唔算話好多，但調味唔錯，唔會死咸，基本上唔洗點個鹽都夠味。叫得名物果然有唔係浪得虛名。經理話呢隻係新鮮乳鴿，即叫即燒，同埋處理/風乾/燒果陣timing好重要，所以之後想加多兩隻都加唔到，唯有下次再食過。老火湯，好似係栗子粟米湯，好有屋企feel，唔會油膩。經理話係用本地粟米去煲。主菜方面，我哋見餐廳社交平台推介鮑魚雞煲，所以就叫咗個試下。鮑魚煮得啱啱好，都算大隻，可能因為用熱鍋上，所以雞件都有啲焦香味，食得出佢無加味精，因為食完唔會狂飲水。芥蘭兩味，芥蘭葉炸到好脆、而芥蘭嘅蘭度就炒到好香，不過我最鐘意嘅係脆脆菜葉上面加咗肉鬆，估唔到幾夾。最後經理問我哋試唔試個煎粢飯，本身都飽飽地，仲食糯米都驚會過飽，點知佢話
頭盤叫咗個沙薑豬手，佢用新鮮沙薑整，食落去清新，切好一粒粒，作為前菜都唔錯。
之後再叫咗個乳鴿，朋友話名廚乳鴿好出名，一早訂咗幾隻，一人半隻share食。皮脆唔在話，撕開隻鴿果陣啲肉汁流晒出嚟！雖然話鴿肉唔算話好多，但調味唔錯，唔會死咸，基本上唔洗點個鹽都夠味。叫得名物果然有唔係浪得虛名。
經理話呢隻係新鮮乳鴿，即叫即燒，同埋處理/風乾/燒果陣timing好重要，所以之後想加多兩隻都加唔到，唯有下次再食過。
老火湯，好似係栗子粟米湯，好有屋企feel，唔會油膩。經理話係用本地粟米去煲。
老火湯
14 views
0 likes
0 comments
主菜方面，我哋見餐廳社交平台推介鮑魚雞煲，所以就叫咗個試下。鮑魚煮得啱啱好，都算大隻，可能因為用熱鍋上，所以雞件都有啲焦香味，食得出佢無加味精，因為食完唔會狂飲水。
芥蘭兩味，芥蘭葉炸到好脆、而芥蘭嘅蘭度就炒到好香，不過我最鐘意嘅係脆脆菜葉上面加咗肉鬆，估唔到幾夾。
芥蘭兩味煲
$168
18 views
0 likes
0 comments
最後經理問我哋試唔試個煎粢飯，本身都飽飽地，仲食糯米都驚會過飽，點知佢話細細件，好特別㗎，所以就試埋。的確好似麻雀咁一粒粒，一人一件又唔會好膩。食落感覺外面似鍋巴，入面就軟糯，但夾雜少少火腿？乾瑤柱？感覺幾新穎。
總捨而言，食物質素都唔錯，店員態度都幾好。聽經理講而家剩係開晚飯，遲啲會開埋晏晝，有得飲茶食點心。
Post
