鶴崎居酒屋 (Closed)

鶴崎居酒屋@觀塘宏利金融中心，夜晚人流不多，所以坐得好舒服，餐廳走居酒屋路線，有壽司、刺身、串燒、炸物等等。自助QR code落單似乎已經係好多餐廳採用嘅技術。先來一個前菜：七味墨魚咀（$48），香口、帶微辣，送酒一流。上壽司盛合（$138）有7件精選壽司，價錢合理，質素中上，特別係蝦同赤貝。串燒選擇多，而且質素好，牛舌（$38）、雞翼（$32）、蘆荀豬肉卷（$32）及三文魚腩（$30）串燒，全部即叫即燒，特別喜愛三文魚腩，魚油豐富，魚皮又香脆！最後追加牛肉燒飯糰（$88），汁燒薄切牛肉包住飯糰，飽肚得來又有特色！