醉江南

Open Now

Now Closed

今日放工食左江南菜。餐廳外表看似一般，平平凡凡既裝修，但估唔到啲菜色同裝修完全相反，好多菜色食，同埋好好味。叫左個鎮江肴肉。凍凍彈牙既肉質，口感爽口。肴肉味道香，唔點醋食原汁原味都好夠味。加少少醋就越食越開胃。鍾意肴肉側邊既啫喱，好滑，食完好養顏。叫埋個砂鍋獅子頭。好大煲，湯甜。娃娃菜同粉絲吸曬啲湯，好甜。兩粒大大粒既獅子頭隱藏係入邊，好大舊。整開一半獅子頭，入邊啖啖肉，好滿足。仲有好多菜同粉絲，啖啖都好甜，沙煲好保溫，冬天食完超暖。價錢合理，野食好味，隱藏既江南菜好菜俾我發掘到，值得食！