牛響度麵館 (Aeon Style)

Open Now

Now Closed

通常都覺得美食廣場既餐廳又貴又唔好食，好唔抵所以都比較少食～不過呢間將會改變你既想法🫢呢間餐廳係牛肉麵為主，主打私房牛骨湯上海麵，另外可以免費轉豬骨湯～如果想試埋椒麻蕃茄湯就要額外加$2🍅除左湯麵仲有熱拌刀削麵，唔想食刀削麵可加$2轉上海麵或米線🤗—————————————————————————————♦️ 牛腩湯麵（私房牛骨湯上海麵）🍜：望落去好清但其實充滿著牛既精髓係入面，聞落好香牛味但唔臊，試飲過一啖湯後你會想再繼續飲🤭牛腩都好腍好易咬，牛肉煮晒啲湯一咬係口入面吱晒啲湯好正～麵條口感正常唔會過硬♦️ 手工去皮炸雞扒熱拌上海麵🐔：夠晒辣同麻，味道同重慶冷拌麵一樣，麵質好彈牙同爽口，但雞排有少少扣分口感乾噌噌同埋嚡熠熠，唔夠嫩滑♦️ 蒜泥白肉：少少辣，醬汁食落甜甜地冇咁漏，但略嫌唔夠蒜味🥲評分🖍️(滿分為5個🌕)抵食指數：🌕🌕🌕🌑🌑服務質素：🌕🌕🌕🌗🌑環境：🌕🌕🌕🌑🌑味道：🌕🌕🌕🌗🌑