晨光餐廳

Open Now

Now Closed

一向响晨光叫開炒粉麵，有日見到有客叫咗隻芝麻雞，一問之下，原來唔係常規菜，所以餐牌無寫，侍應話可以預訂，但要提早一兩日打嚟問。前日專登打去訂，佢哋除咗介紹咗隻芝麻雞，亦推介欖角肉排。芝麻雞肉好嫩又夠味，唔會太喊，小朋友都啱食，雖然放咗成個鐘後先食，亦唔會因為外賣盒焗住而唔脆，雞皮係精粹，芝麻又夠多又香口，非常之好食。欖角肉排個汁唔錯，最欣賞肉排無落梳打粉，值得一讚，食落有住家餸嘅感覺。試咗兩款有驚喜嘅小菜，訂嗰時落單姐姐話兩款係懷舊菜，除咗响一啲酒樓食得到，茶記好少做懷舊菜，包有驚喜，確實無令人失望。