招點薈 (Closed)

呢間喺柯士甸西鐵站一上隧道第一條街就係嘅招點薈，用google個interest point做logo幾得意😎但成條街都係工業鋪頭，所以比較唔起眼，但店鋪裝修好靚，出面仲有幾個露天位！帶子沙律($88)見佢沙律價錢唔係差好遠，就嗌左呢個，沙律嘅汁偏酸，好開胃，2粒帶子好出色，表面香脆入面半熟，幾令人期待主菜。蘑菇牛柳意大利麵($128)不得不說呢個意粉真係一流，下次黎我都一定會嗌呢個，汁係牛肝菌醬，但煮得好好食😳牛柳亦好正，好軟淋，完全搵唔到呢個意粉嘅缺點！番茄risotto ($98)相比起蘑菇牛柳意大利麵黎講，呢個就感覺比較普通，番茄汁好濃，偏甜，risotto 啱啱好，係我鐘意嘅質地，如果呢碟嘅香氣能夠再提升一d就perfect