武士拉麵 (Closed)

哩幾日天氣又涼返些少陰陰天凍凍地又會好想食碗熱湯麵早前嚟到尖沙咀韓國街個頭覓食比我哋發現到哩間拉麵小店 — 武士拉麵店內裝修非常日式 簡單親切🤍全部係bar枱位 可以睇住師傅煮麵🔸德川將軍拉麵（我揀咗幼麵、硬度適中、味道適中）湯底係魚介豬骨湯，魚介嘅鮮香配合豬骨嘅順滑，飲落又香又舒服，味濃而不涸喉，好味😋！而且飲咗好多湯麵唔會好口喝，抵讚👍🏻！幼麵質地比較吸湯，所以好夠味。配料有肥瘦適中嘅叉燒、糖心蛋同大量木耳，不自覺地就食哂成碗。🔸真田將軍拉麵（他揀了粗麵、偏硬、濃味）哩款嘅配料係豬軟骨，煮到好軟綿，入口即化，而且好入味，好好食👍🏻！粗麵係沾麵個種，挺身爽口，掛湯力強，粗麵配濃湯口味係比較夾。🍵另外佢哋會擺放一啲預先沖好嘅熱綠茶，係抺茶粉個隻，暖笠笠、好香好好飲！