Amour Garden Grill & Bar (Closed)

因為之前幫襯過呢間餐廳品牌，留下咗印象，今次與情人轉移陣地，改喺另一個地點約會……相隔不到一條街，感覺完全不一樣。呢間餐廳連吧位於砵蘭街心臟，對以不是常客嘅我(笑)，一點也不好找，對於女士嚟講，更加需要一點勇氣，有男伴同行另計。講返正題，今晚點咗香煎鴨胸伴鹹蛋意粉，估唔到有驚喜，鴨胸厚肉唔韌，鹹蛋碎切融入意粉中，味道剛好。煙三文什菌墨魚汁意粉，叫得就唔怕染黑棚牙，佢啲墨汁唔多唔少，意粉圈起汁都冇四圍飛，入味兼好有墨魚味，配合凍煙三文同食，一冷一熱，徘徊冷靜與熱情之間……仲有青蘋果鵝肝多士，羶香在口腔迴盪，飲返杯longisland，清清喉嚨，望下啲人掟鏢、睇下大電視、傾下心事，怡然自得。