奇興美食中心 (Closed)

星期五晚姐姐約埋我同honey一齊睇林敏聰演唱會，姐姐suggest嚟呢度食，其實位置都幾隱閉。入到嚟嘅感覺又OK喎，呢度都幾大，裝修OK，Service OK，因時間関係，姐姐已經order 哂食物，我到達嘅時候，姐姐同姐夫已經食嘞，我同老公一坐低就食喇。姐姐 order 咗粟米班塊、海鮮什菜煲、蕃茄牛腩和釀豆腐，加$1有飲品， 小菜$42一欵。粟米班塊 - 賣相一般，但味道唔錯，炸得很香口又很脆，不過要食快D，因為D sauce會浸淋咗D班塊。海鮮什菜煲 - 有西蘭花、生菜、蟹柳、魚柳、蝦仔....，清清哋，味道OK。蕃茄牛腩 - 個汁幾好味，牛腩 好細舊，口感一般，但都幾淋，味道OK。釀豆腐 - 麻麻哋，豆腐唔滑又唔香，仲冇乜味tim。洗手間比一般茶餐廳好，值得一讚。