Awfully Chocolate (Closed)

其實我好鍾意食呢間蛋糕，琴日大概7點左右係朗豪坊呢間分店買。我見到嘅時候已經係塌左（如圖），我見櫃入面個個千層大cake都全部變成咁，我懷疑係凍櫃唔夠凍。味道方面其實唔覺變左，依然好濃厚嘅cream。比坊間千層蛋糕多層，兩個人食一個都飽。但賣相變成咁，以佢嘅價錢可以食其他唔錯嘅甜品。再加上我食完肚痛，我覺得係因為放蛋糕個櫃唔夠凍引致。服務可以話零，基本上買完就自己拎去隔離食。座位少，如果撞正多人時段，就要企係度食。員工唔出黎抹枱，我去個陣得幾個人食，但枱面污糟都冇人理。