Video
Read full review
2024-01-07
47 views
年尾聖誕加新年食咗好多西餐 , 想食返中餐中和一下 ~ 今日就揀咗嚟灣仔皇悅酒店嘅馬來西亞餐廳 - 鐵飯碗 !! 因為上網見到好多好評 , 而且地方好舒服 , 就揀左佢 !! 😁😁炸蝦片唔油膩 ~ 配埋醬料食更惹味 😋😋海蜇花涼拌萵筍 ($98)份量好多 , 好抵食 ! 爽脆又冇怪味 , 撈埋爽脆嘅萵筍絲 , 夠晒清新 ! 👍👍白胡椒豬肚雞湯 ($88)好正呀 ! 有幾件豬肚同雞件 , 豬肚洗得乾淨 , 冇臭騷味 🤩🤩 胡椒雞湯夠晒辣 !! 冬天飲返碗真係暖粒粒 , 好暖胃 !!慢煮陳皮牛肋骨 (半份) ($149)連牛骨上碟 , 有 4 - 5 件厚切大大件嘅牛肋肉 ~ 食中餐唔洗用刀叉 , 因為經慢煮後 , 牛肋肉腍到一咬就咬得開 ~ 肉味濃又 juicy ~ 味道係甜甜地 😋😋 又有少少陳皮香味 , 呢個菜式幾特別 ~肥仔芽菜海南雞 (半份) ($238)上菜以為係 1 隻雞 😱😱 超大份 !! 呢隻雞一定係好大隻 ~ 雞皮係淺黃色 , 雞肉煮到啱啱好 , 又唔會出血水 , 而且大部份都去咗骨 , 食得好方便 ! 我最鍾意 3 款醬撈埋嚟食 ❤️ 超正 !! 雞肉底的肥仔芽菜都係另
炸蝦片唔油膩 ~ 配埋醬料食更惹味 😋😋
海蜇花涼拌萵筍 ($98)份量好多 , 好抵食 ! 爽脆又冇怪味 , 撈埋爽脆嘅萵筍絲 , 夠晒清新 ! 👍👍
白胡椒豬肚雞湯 ($88)好正呀 ! 有幾件豬肚同雞件 , 豬肚洗得乾淨 , 冇臭騷味 🤩🤩 胡椒雞湯夠晒辣 !! 冬天飲返碗真係暖粒粒 , 好暖胃 !!
慢煮陳皮牛肋骨 (半份) ($149)連牛骨上碟 , 有 4 - 5 件厚切大大件嘅牛肋肉 ~ 食中餐唔洗用刀叉 , 因為經慢煮後 , 牛肋肉腍到一咬就咬得開 ~ 肉味濃又 juicy ~ 味道係甜甜地 😋😋 又有少少陳皮香味 , 呢個菜式幾特別 ~
肥仔芽菜海南雞 (半份) ($238)上菜以為係 1 隻雞 😱😱 超大份 !! 呢隻雞一定係好大隻 ~ 雞皮係淺黃色 , 雞肉煮到啱啱好 , 又唔會出血水 , 而且大部份都去咗骨 , 食得好方便 ! 我最鍾意 3 款醬撈埋嚟食 ❤️ 超正 !! 雞肉底的肥仔芽菜都係另一重點 , 吸晒啲雞味 ~ 爽口 ~ 好好食 !!
正宗檳城炒貴刁 ($138)好有鑊氣 , 好香蛋味 , 甜甜地 , 足料大份 !
貓山王楊枝金露 ($138)😋😋 有貓山王果肉 !! 真材實料 !! 撈勻食 , 啖啖都有榴槤甘香 !! 超正 !! 楊枝金露質地少少杰 , 我鍾意 !! 酸甜平衡得好好 🥰🥰
整體黎講 , 食店裝修極之雅致 , 座位闊落 , 店員服務貼心周到 , 份量超大份 ~ 碟碟都好高質 😍😍 性價好高 !! 絕對係回頭嘅食店 ~ 仲有好多廂房 , 啱晒同朋友嚟傾偈或者傾生意 ~
Post
