薩莉亞意式餐廳 (現崇山商場) (Closed)

記得第一次食薩莉亞餐廳係係台灣，當時香港一間都未有，今時今日薩莉亞已經係香港越開越多喇！又平又好味嘅餐廳當然多人黎食喇，排幾耐隊都有人排，難得黃大仙呢間唔駛點排，緊係多啲黎幫襯喇！今次係午市時段黎食，首先點左我每次都必點嘅焗田螺，一碟有6粒，每粒都有好足夠嘅蒜蓉鋪係面。蒜蓉非常入味，而且無殻易食，仲粒粒都熱辣辣，自己食哂成碟都真係未必夠喉之後再點左個雜菌忌廉意粉，意粉面有少少芝士，好夠味，唔會太油膩。雜菌款式有鮮冬菇同磨菇，配埋忌廉汁好好味。