南山冰室 (Closed)

熱辣辣，讓我想起陽光與海灘，更想起星馬美食。想不到在銅鑼灣南山冰室，都可以用午餐價錢吃到惹味星馬晚餐，仲有特飲添。先來個馳名咖央厚多士$24，哄得鬆脆，一口咬下有如空氣般鬆綿。肉骨茶$38也蠻推介的啊！這款是馬來西亞福建派肉骨茶，藥材味剛好，湯料十足，喝得舒服，所有單點食物+$20就可以嚐到細碗(一人份量)。招牌海鮮喇沙$55，用料十足，魚片、蝦、豆卜、青口、魷魚等，油麵比米粉份量多，湯底微辣不太濃稠，若加重點椰香味會更完美。食喇沙，加$12配杯特飲- 龍眼冰就最適合不過，甜度恰好，好涼快。星馬咖喱吉列厚切豬扒 (配香蘭飯) $58，咖喱甜而不辣，厚切豬扒鬆化香口不油膩，略嫌香蘭飯有點濕呢～同樣加$12有紅豆冰啊。下次到銅鑼灣，又多個選擇了，不用再去美食廣場自己serve自己，可以去坐得舒服，有美食又有人serve的南山冰室。