BOGU Pets Grooming & Coffee

Open Now

Now Closed

大坑係一個餐廳cafe集中既小區，耐唔時黎遊歷總會發現一啲驚喜。今日約左朋友黎，路經狗仔剪毛美容中，先發現依間寵物共融既cafe😍🍀蔥油雞扒滷蛋意粉🍀天使麵先炒香，再用香蔥油同拌，食落竟然有台灣拌麵異曲同工之妙。蔥香隨住蒸氣撲鼻而黎，香味濃郁，好誘人～配埋煎到微焦但keep到嫩滑既雞扒，同埋太陽蛋（滷蛋sold out了），流出黎既蛋汁黏係天使麵中間，成件事好辛福🥹🍀肉肉全日早餐🍀香腸。煙肉。煙三文魚。炒蛋。酸種麵包。時令水果。焦糖香蕉麵包有種自然既酵母芳香同酸味，係真正既酸種麵包☺️ （坊間的確有假架）。再一輪狂風掃葉式將脆皮香腸、煙肉、煙三文魚，通通放晒落肚，全部都高質唔係一般貨色，重要係唔過咸👍🏻炒蛋亦炒得幾滑溜；焦糖香蕉作為水果甜品，簡單又好味😊🍀黑芝麻雲朵、迷蒙美祿🍀兩杯都係有咖啡既特飲，前者加左黑芝麻粉入牛奶，清新幼滑，再加埋咖啡香配合得岩岩好，甜味好balance；後者就以美祿配咖啡，面層加入厚身既奶泡，感覺將兒時既飲品加入大人世界既咖啡，飲落無違和感，都幾得意😃細心發現原來餐廳用玻璃分隔兩邊用餐地方，一邊可以俾主人同主子一齊用餐；另一邊係廚房同落單，係平常食客既主要用餐位