響葫蘆 燒物 . 居酒屋 (Closed)

對於放題，好多時都係一分錢一分貨，有D人喜歡極多選擇但味道無所謂，有D人追求質素多於數量，如果你係後者，我強烈推介呢間響葫蘆，雖然食物選擇比起一般放題店少，但質素可以話係相當有水準，至少我食過幾樣都係中上水平，值得一讚！刺身夠新鮮，每件都好肥美，絕唔係細細件個種。個人最愛甘甜的赤蝦，又大又軟，入口啖啖肉；三文魚油脂豐富，食落彈牙爽口，魚味非常濃郁；帶子晶瑩有光澤，甘甜味道超正！朋友獨享的手卷，聽講味道都好鮮味，而且材料超豐富，師傅不手軟。香橙焗魚，很用心的一道菜式，真的有一片香橙和厚魚柳，未食先聞到超香橙味。魚柳比想像中嫩滑，無骨，必食菜式！炸物，完全不會油膩，新鮮出爐自然好吃。軟綿的日本小紫薯，香氣四溢，入口清新甜美，而且蒸比烤更好味。最後來一碗烏冬，下單時要求麵條煮耐少少，偏軟的口感正好適合我的口味。這碗的份量有點多，幾乎和平時在餐廳吃的一樣，食完超飽就回家了。