潮食地

Open Now

Now Closed

因為工作關係去咗荔枝角，而且又到咗醫肚時間，所以去咗【潮食地】嘆一嘆、食吓嘢，依度光線充足而且裝修夠新穎。我哋今次order咗一口牛鐵板石燒套餐、瑞士汁雞脾飯及公司三文治，仲有特飲雪糕紅豆冰同埋阿華田雪山。一口牛係用頂級美國牛小排，肉質鮮嫰又牛味濃，放上鐵板石燒烤煮份外吸引，仲有1隻日式溫泉蛋及紫菜飯，真係好好味。瑞士汁雞脾飯嘅雞脾好大隻又入味，瑞士汁絕對係精髓，鮮甜惹味。公司三文治有好多配料，有芝士、火腿、蛋、午餐肉、蕃茄、生菜等等，每一啖都有吾同味覺，口感層次都有別，值得推介。特飲雪糕紅豆冰同埋阿華田雪山就大小朋友都鍾意，又係打卡之選。