Video
Read full review
2013-06-16
113 views
15/6/20136月之星牛一~我地一班好粉絲緊係要好好慶祝一下~!! 志在見下相聚一下~期待已久既日子終於到LA!!去到呢間第一次黎既餐廳睇過几張點菜紙,菜式唔多,D名改得好平實,一D都唔花巧,可能正如網評所言: 重質不重量, 貴精不貴多LA我地先點左五六款沙律前菜,同一盤全刺身拼 樣樣都有,先試品質上枱了~五六款的沙律除左最上層的’主菜’有分別之外,下層均係用西式沙律菜,奇妙既地方係連個沙律汁都係一樣味道..要留心食先分別到自己食緊邊種~唔同既主菜分別有 刺身 海蝦, 車厘茄 仲有粟米同 野菜 …芝士玉子 – 一夾就散,玉子明顯唔係自家出品, 可借..壽司系列款式好多~不過我地只點左兩三樣精算~因為大家都唔係太想食’飯’幸好我地只係點了兩款, 因為D壽司飯真係強差人意飯同肉的比列係 9:1 而且D飯太大了,食落好實同埋好似冇加醋,唔好食..刺身拼D顏色好暗,擺設得唔係咁吸引…可能佢地真係: 重質不重量, 唔會花時間去做D裝飾擺設掛~份量尚算可以,刺身切得唔會太薄,只係食落質素好一般,有少少失望三文魚係我地最期待的款式,但係我地一行5人一至認為一D三文魚味都冇~帶
15/6/2013
6月之星牛一~我地一班好粉絲緊係要好好慶祝一下~!! 志在見下相聚一下~
期待已久既日子終於到LA!!去到呢間第一次黎既餐廳
睇過几張點菜紙,菜式唔多,D名改得好平實,一D都唔花巧,
可能正如網評所言: 重質不重量, 貴精不貴多LA
我地先點左五六款沙律前菜,同一盤全刺身拼 樣樣都有,先試品質
上枱了~
五六款的沙律除左最上層的’主菜’有分別之外,下層均係用西式沙律菜,
奇妙既地方係連個沙律汁都係一樣味道..要留心食先分別到自己食緊邊種~
唔同既主菜分別有 刺身 海蝦, 車厘茄 仲有粟米同 野菜 …
芝士玉子 – 一夾就散,玉子明顯唔係自家出品, 可借..
壽司系列款式好多~不過我地只點左兩三樣精算~因為大家都唔係太想食’飯’
幸好我地只係點了兩款, 因為D壽司飯真係強差人意
飯同肉的比列係 9:1 而且D飯太大了,食落好實同埋好似冇加醋,唔好食..
刺身拼
D顏色好暗,擺設得唔係咁吸引…可能佢地真係: 重質不重量, 唔會花時間去做D裝飾擺設掛~
份量尚算可以,刺身切得唔會太薄,只係食落質素好一般,有少少失望
三文魚係我地最期待的款式,但係我地一行5人一至認為一D三文魚味都冇~
帶子比較細粒,而且食落有少少腥,
劍魚腩同魷魚感覺一般,唔算太出色,
成個刺身拼唔明白點解充滿左清新的檸檬味~ 整到我地食唔到魚肉的鮮味~
估唔到值得再點的係希靈魚同飽片 V_V
另仲有鯖魚同鰹魚,可能係醃製過,有少少過咸..
熟食方面款式唔係太多,經過刺身的經驗, 我地都好小心咁點菜, 先叫少少, 好食再點過…
吉列炸蚝 – 連埋炸粉的整體SIZE 比想像中細, 食入口好熱好脆,但唔算炸得太過火,只係入面的蚝肉真係細得可憐
炸豆腐 – 我地一直以為係土佐豆腐, 點知原來真係’’純正’’炸豆腐, 冇味冇驚喜
因為咁所以天婦羅系列我地全線冇點了
燒羊架 – 真係估佢唔到會起埋骨一粒粒咁上枱,唔食唔知佢係羊,
我諗佢個名可以改做一口羊粒會好一D,羊粒食落好有羊味,而且夾雜住D肥膏,超水準!!好味~~
燒一口牛 - 點左兩次,第一次品質唔錯, 唔會太熟而且有牛肉味, 但係第二次點已經唔同左,
細粒左同埋燒得耐左,鞋口同冇咩牛肉味~
海鮮粥….D粥煲得好棉好香蛋白味,粥面仲加左几條好香的紫菜…令人忘記佢其實係碗’ 海鮮粥’
串燒系列: 串燒有車厘茄,有冬菇,鷄軟骨…燒得唔會太過幹身太過火, 唔錯!!
炸一口芝士..最估唔到佢係上枱時已經分開兩邊,令我地覺得失去左成粒咬開後拉出D芝士既快感~
甜品方面更係出奇,8款甜品,一半要炸一半凍上
炸過的甜品有 : 一口萍果批, 炸芝士條. 粟米甜心酥..
最頂穩係佢的’’紐約芝士蛋糕’’都拎去炸一炸, 原全估佢唔到~
更估唔到既係..佢地炸完並唔係熱騰騰的上枱,入口係’’室溫’’的,感覺好似炸好左放埋一邊再等人拎咁
實在可能因為我地早去,所以師夫未有整野食的衝勳….
食左兩輪,都已經冇咩意慾再添食,
枝豆係我地連點兩次的’上菜’ 因為絕對唔會有難食的機會! 一邊食枝豆一邊傾計,一大樂事~
Other Info. :
早兩個月前已經留意到呢間新開的放題餐廳,D相好靚賣相好精緻,所以好快決定一試
5月尾打電話訂枱 BOOK 星期 6的中午放題時段
接電話的服務員話餐廳中午時間唔做放題，之後好快又話因為呢日係父親節前後所以例外，
當日價錢一般係 $238+10%服務費,如要任食甜蝦同油甘魚就要每位加多$ 30
(吓~居然可以咁樣~!居然有唔包甜蝦的放題~~~??!!)
我就問佢既然係父親節前後,咁會唔會有咩優惠,或有咩信用咭優惠,同埋我有朋友生日,會唔會有''驚喜''
佢就話暫時未有,(可能最大的優惠係中午做埋放題LA…) OKOK..
於是我地就 BOOK 左6位,佢話超過5位要先比$500訂金, 我就話: OK會再打黎覆實
收線後我完全唔記得左訂金呢回事,….一直冇交到
喺到左開飯前一日,我發覺有少少唔對路,點解好似冇電話打黎confirm booking~
於是就主動打電話去 …接電話嗰個先好似如夢切醒,咁我問佢係咪會冇位,
今次接電話的人話: 吓..咁呀…我地會同你安排~OK冇問題的,明天見…
到左正日,我地几個分別去餐廳,門口位好似好窄,有部份餐枱放得太近門口,好迫咁
但轉個彎之後會見到好高的樓底,成個感覺唔同晒~舒服D ,好有空間感,
可能係星期6 中午十二點的尖沙咀,時間尚早,未到食飯時間,所以我地係第一枱到的客人~!!
食到LAST order 全個場都只係得兩枱客人…
除我地之外,另一枱係一位男士…佢一黎到就開左個’’工作坊’’做自己野..
我地就好似包場咁,所有的服務員就係只招待我地,令人意外!!
可能呢個就係意外驚喜LA 總括黎講...都好難會有下次了..
(The above review is the personal opinion of a user which does not represent OpenRice's point of view.)
Post
