Video
Read full review
2009-06-25
111 views
行家兼老友約食飯，今次由我發板，當然要搵間好嘢試試，今期就去試位於中環置地出名嘅過江龍，由英國進駐嘅日本料理，仲好似係啱啱攞咗個由 英國飲食權威雜誌《餐廳》選為2009年全球100間最佳餐廳，名氣就熱爆，唔知質素係點。去到置地廣場樓下，有數部 lift 可以直達餐廳，上到餐廳，receptionist 隨即禮貌地帶我入坐，廚房是開放式的，坐椅闊落，有arm-rest，似去咗酒店coffee shop ; 我兩今晚去嘅係餐廳部份，餐廳盡頭有一間玻璃房，可以做私人飯局，佈置特別，設計師似乎好喜歡利用玻璃做嘅裝修，餐廳樓底又高，夠哂氣派，用上落地玻璃，但係枱與枱之間嘅距離反而太近，變得私人空間減少，美中不足 ; 而沿旋轉樓梯拾級而上，樓上仲有一層酒吧區，睇設計上應該係迎合西方人口味似的。我朋友有個背囊，佢地可以代客人保管住，而且係獨立的，有一張卡比你揸手，走之前交比侍應就可以攞返你嘅物品，照顧周到。menu 一打開頭版有一頁序，講解餐廳主旨。一開始佢話自己係當代日本居酒屋，我又唔覺喎，其實一入門口我就唔覺佢係日本料理，似食西餐多過食日本菜 ; 佢話自己唔係供應定食，而係for sharing
去到置地廣場樓下，有數部 lift 可以直達餐廳，上到餐廳，receptionist 隨即禮貌地帶我入坐，廚房是開放式的，坐椅闊落，有arm-rest，似去咗酒店coffee shop ; 我兩今晚去嘅係餐廳部份，餐廳盡頭有一間玻璃房，可以做私人飯局，佈置特別，設計師似乎好喜歡利用玻璃做嘅裝修，餐廳樓底又高，夠哂氣派，用上落地玻璃，但係枱與枱之間嘅距離反而太近，變得私人空間減少，美中不足 ; 而沿旋轉樓梯拾級而上，樓上仲有一層酒吧區，睇設計上應該係迎合西方人口味似的。
我朋友有個背囊，佢地可以代客人保管住，而且係獨立的，有一張卡比你揸手，走之前交比侍應就可以攞返你嘅物品，照顧周到。
menu 一打開頭版有一頁序，講解餐廳主旨。一開始佢話自己係當代日本居酒屋，我又唔覺喎，其實一入門口我就唔覺佢係日本料理，似食西餐多過食日本菜 ; 佢話自己唔係供應定食，而係for sharing咁就係人都知日本居酒屋咪就係咁架啦，駛乜佢講呢又 ; 最後，仲要講明餸菜係會喺席間一路上枱，咁當然啦，唔通學似中國菜擺到成枱都係，又或者法國菜咁未食完一道菜，唔可以上第二道菜咩。寫呢段嘢嘅人真係唔知想寫比邊過睇呢。
仲有一點特別嘅，佢地有春日推介，亦都有set供應嘅。
講返食物方面：(以下係依照當晚上菜次序)
1. Hot Sake Carafe - Tengumai, Yawara Junmai (A fine Jumai which brings out its true flavour when heated, A comfort sake to warm up your soul) 300ml $160 - 相片欠奉因賣相冇乜特別，器皿用暖水坐住，保持溫度，味道入口唔太清香，老友亦覺得唔夠純，可能我揀得太cheap掛，因為好多酒以同等份量都要好幾百，甚至上千蚊，不過放得呢隻酒喺menu比客人揀，我諗佢地都應該慎重選擇貨源。
2. arjun's chu toro roll (prime tuna and finely diced spring onions) 蔥花中級鮪魚卷 $110 - 一上枱，我仍然掛住影相之際，老友已經叫我快啲吃，因為紫菜已經開始淋，但係只不過係上枱兩分鐘，好明顯係處理食材技術出問題，其實我見上枱時候已經淋咗，有可能係佢嘅飯實在有啲偏濕，不過佢嘅toro茸因為非常肥美，魚脂多而甘香，用料上乘但烹調技術尚待改善 ; 子薑鮮嫰，Wasabi新鮮磨製，呢種級數餐廳絶對要用上，此點不足為奇。
3. tai no sashimi salada to umesu (sea bream sashimi salad with mizuna, myoga and umeboshi vinaigrette) 薄切鯛魚沙拉配梅子醋 $120 - 係佢地嘅春日推介之一，鯛魚鮮味，下面舖有生菜絲，灑上梅子醋，但味道過濃，雖然魚夠新鮮，但鮮味被搶。
4. Sashimi moriawase 7 sashimi selection $540 - 每款三片，合共21片，價錢合理，而且真係相當新鮮，用上去一大舊冰塊同碎冰盛載，難怪咁多人都話要試佢地嘅刺身，甘蝦爽甜 ; 三文魚肥瘦適中，油脂分佈均勻 ; 藍鰭鮪(bluefin tuna)雖然油脂唔重，但冇筋，值得一讚 ; 帆立貝就唔夠爽，口感欠奉 ; 總括來說，一個 "鮮" 字。
5. edamame (steamed with sea salt) 海鹽枝豆 $40 - 做佐酒食品或前菜就ok，但係竟然食到一半嘅中途至上枱就未免........枝豆軟熟，灑上粗海鹽，味道ok。
6. yasai no moriawase (assorted vegetables tempura) 野菜天婦羅 $80 - 脆槳夠薄，炸嘅火喉控制恰當，吸油紙上冇咩多餘油份，但係蕃薯、南瓜就略嫌切得太薄，冇咩口感之餘，仲因為薄身關係，炸嘅途中水份好易流失。
7. corn tempura 粟米天婦羅 - 用上粟米做天婦羅都係第一次見，係由侍應介紹，原來係未放上主餐牌的，粟米表面積大，可以上多啲炸槳，炸至金黃香脆，質地有啲似爆谷，但係粟米入面水份充足，而且鮮甜好多，灑上些少胡椒粉，配埋酒嚟食，感覺一流。
8. buta-bara yuzu miso (black pork belly with yuzu and miso) 燒黑豚腩肉配柚子麵豉醬 $165 - 兩串豬腩肉，每串三舊，賣相吸引，第一舊半肥半瘦，可惜肥豬肉部份係肥豬肉一大舊，入口一咬，豬肉即時在口溶化，感覺係缺堤氾濫一樣似的，頓時成個口都係豬油，感覺只係比食東坡肉好少少，呢種感覺本人就唔識欣賞 ; 第二舊就少啲肥多啲瘦，比之前多啲咬口，用上柚子麵豉醬都係啱嘅，柚子帶少少酸可以中和多餘油份 ; 最後一舊就全瘦，竟然係全瘦，唔知佢想點，仲難食過煲老火湯嘅瘦肉，非常硬而且鞋口，唔合格。結論係，雖然第一舊頗肥膩，但亦都係我倆覺得最好味嘅。
9. tokudai wafu asparagasu (asparagus with wafu sauce and sesame) 芝麻燒露荀 $70 - 露荀鮮嫰，輕輕地燒一燒，用芝麻加wafu sauce(豉油中加上醋味沙律醬)，清甜露荀配上濃味醬油，味道得到平衡，處理得非常好。
10. 鹽燒三文魚頭 - 三文魚本身夠肥，燒出嚟故然特別香，一碟四舊，見廚師選取都係魚肉偏多部位，冇魚頭骨同膠質比你啜，我爭啲以為佢地上錯餸，可以話係似魚鮫或者係魚身嘅肉多啲，好明顯唔係為本地人而設 ; 外面燒得香脆，裡面亦唔會太乾，只係感覺唔似食魚頭吧。
11. 香蕉蛋糕配綠茶雪糕 - 餐牌入面唔見甜品項目，侍應介紹咗呢樣，香蕉蛋糕香蕉味濃而且鬆軟，不過唔知點解要配上同樣重味嘅黑芝麻嚟搶奪佢嘅味道 ; 綠茶雪糕一上枱就知出事，你睇吓佢嘅顏色，竟然係呈淺綠色，入口淨啲感覺唔到自己係食緊綠茶雪糕，味道淡如水，最嚴重係食食吓有硬物，咪係細小冰粒，一定係溶過，侍應解釋佢地嘅雪糕係自己製造的，so what? I dun care，我最關心嘅係處理食物嘅質素同技巧，如果係自己搞唔掂嘅，倒不如出去訂人地做嘅出品返嚟賣好過。
12. 玄米茶 - 因為食得太飽，老友叫咗茶嚟消滯，又唔知佢地係咪serve慣西人，都係一個order serve 一個人嘅份量，竟然只係拎一隻杯嚟，，又話寫到明係sharing，呢點就不夠細心了。
Comments: 又一間名過於實，話自己做日本料理，入面真係唔多覺有日本人嚟吃，但差不多全場九成客係西人，而且唔知係咪我地張枱離open kitchen太遠，我就見唔到佢地起用日本師傅，唔見得會有幾正宗。但點解佢地都會入圍呢?? 我估好可能係與佢嘅總部地點有關囉。不過服務方面算幾專業嘅，細心，非常有禮貌，每上一道菜都會講解製法同埋醬料點用，但係餸菜上枱次序就好似未經安排咁，呢點就唔專業，應該由淡食到濃，前菜至到主菜，刺身之後到壽司卷物。食完後，我倆都覺得如果自己出錢嘅話，一定唔會嚟呢度食，佢地做嘅日本菜係比西人食嘅。
Post
