盛八食堂 (Closed)

男朋友係超級蛋包迷，而我 就酷愛咖喱, 再次見到"盛八食堂"推出團購券，豈能忍手唔買呢？！下午3點几去到，客人唔多，我地又可以靜靜咁嘆番餐呢！1.吉列鹿兒黑豚咖喱蛋包飯 : 鴛鴦汁，一邊係我至愛既咖喱汁併另一邊既白汁。有辣辣既咖喱汁撈飯，特別開胃架！白汁太淡, 一下子被比下去添！依舊既薄薄滑嫩蛋皮，今次配上鬆軟香口既黑豚肉，脆粉唔厚，啖啖黑豚肉，肉質極其鬆軟好味 ！2.焗芝士火腿地雞三文治 : 一直偏愛呢款焗三文治 ，每次來親都必點，因為口感似厚批pizza囉 ，芝士濃郁，夾上嫩雞肉加火腿後, 特別豐脥美味！自從戒左重口味之後，唔再覺得呢款三文治淡口，反而覺得味道適中剛好呢！3.風雷餃子(咖喱+雞軟骨) : 細細隻既香煎餃子，皮薄但內裡無咩饀，食唔到雞軟骨囉！不過有咖喱味搭夠，算佢喇！嫌唔夠辣既，仲可以蘸上隨附既辣椒醬油呢！另外既沙律菜，新鮮好味。58蚊張coupon，用兩張，補返26蚊，今餐算合理既……唔知係米天氣凍既關係，d野食唔夠燙熱，不過就'真係坐得舒服，hea到爆，二人世界就最啱哂嘞！