Captain糖甜品專門店 (Closed)

同一大班朋友係泉章居食完飯耳猶未盡，就諗住去附近嘅甜品點再吹下水，轉個彎見到Captain Tong就試下啦。嗯，無期望都可以失望，個Menu係整得好有特色，但係甜品真係整得唔好!我點左好普通嘅薑湯湯圓，啲湯圓明顯係煮個個人心急攪過佢所以表皮有少少爛，薑湯唔香薑味，湯圓啲餡都未煮得好透，無流心。朋友叫嘅Apple Combo (其實係咪Crumble呢？！）Size好大，所以大家都分黎食，面頭嘅碎碎完全無Roast過咁，零香口，蘋果餡無特別，仲無餅底，食落口只有一堆粉末同無乜蘋果味嘅餡，零分。