Video
Read full review
2016-07-13
380 views
第一次咁晏黎食，近年延長左營業時間，生意難做，不過係好野既就無有怕啦。食客都比較少，可以舒舒服服、不急不忙、安安靜靜地嘆碗靚麵喇 ﹗都有段時間無黎幫襯，加價了 ﹗我最愛的辣椒油，只要渣唔要油，又香又辣永恆不變，最少要一碟滿滿的才能使我滿足 ﹗新蔡潤記辣椒油，唔係個個都頂得住，我就勁愛佢既香辣程度喇，每次最少要一小碟滿滿先夠配一碗麵架 ﹗介紹左比同事們，大家都非常喜歡，間中我都要幫佢地入貨呢。新蔡辣椒渣兩大碟，減壓良方，藥到病除！魚蛋鴛鴦加底加牛腩走蔥，都唔知幾多年無係度食到熱騰騰、出晒煙既湯麵喇 ﹗經常都只係微暖，唔夠熱，今次勁開心 ﹗先黎當然試個湯啦，加上少少牛腩汁味，好清甜，好好飲，真係停唔到，我未試過成碗湯飲晒架，湯底超水準 ﹗鮮味、魚味濃、彈牙既魚蛋終於返黎喇，不枉我一直都不離不棄。我對新蔡既牛腩一向都唔多好評，今日再試，發覺佢地開始有自己既風格同味道。牛腩係瘦肉質感，不過炆得夠腍，而且保留左牛肉原始鮮味，肉汁非常豐富，今次好滿意，讚 ﹗Keep 住呀。魚蛋河加底加粉腸走蔥，湯底清甜夠味，難得晏晝五點幾仍有始味道，好少可。粉腸質數大躍進 ﹗飽滿肥嘟都外形，皮層爽滑又彈牙、裡面濕
新蔡潤記辣椒油，唔係個個都頂得住，我就勁愛佢既香辣程度喇，每次最少要一小碟滿滿先夠配一碗麵架 ﹗介紹左比同事們，大家都非常喜歡，間中我都要幫佢地入貨呢。新蔡辣椒渣兩大碟，減壓良方，藥到病除！
魚蛋鴛鴦加底加牛腩走蔥，都唔知幾多年無係度食到熱騰騰、出晒煙既湯麵喇 ﹗經常都只係微暖，唔夠熱，今次勁開心 ﹗先黎當然試個湯啦，加上少少牛腩汁味，好清甜，好好飲，真係停唔到，我未試過成碗湯飲晒架，湯底超水準 ﹗鮮味、魚味濃、彈牙既魚蛋終於返黎喇，不枉我一直都不離不棄。
我對新蔡既牛腩一向都唔多好評，今日再試，發覺佢地開始有自己既風格同味道。牛腩係瘦肉質感，不過炆得夠腍，而且保留左牛肉原始鮮味，肉汁非常豐富，今次好滿意，讚 ﹗Keep 住呀。
魚蛋河加底加粉腸走蔥，湯底清甜夠味，難得晏晝五點幾仍有始味道，好少可。粉腸質數大躍進 ﹗飽滿肥嘟都外形，皮層爽滑又彈牙、裡面濕潤軟棉棉 ﹗我就係要依個質數與味道喇，今次完全無任何苦澀味道，perfect ﹗好好味。魚蛋返來喇，開心晒 ﹗魚味濃、口感彈牙，好滿足。河粉硬淨滑溜，如果可以滾耐一點，棉少少就更正喇。
魚蛋河加底加皮走蔥，湯底略淡口，其實配河粉要落重少少味，因為河粉會沖淡味道。魚蛋滿意地鮮彈爽滑，咸香宜人帶肉汁。硬身連肉炸魚皮放湯後吸盡湯底精華，又脆又甜又香口，好味道。一大羹辣椒油只係緊緊夠我送河粉乍，對魚蛋魚皮會好唔公平，佢地會唔開心架，當然要 refill 啦 ﹗兩羹剛剛好，香辣無比、汗水微滲，河粉掛上大量辣椒肉而染得紅紅，大大啖不停吸啜，真係刺激又美味 ﹗
魚蛋鴛鴦加底走蔥，魚蛋幾好食喎，有魚味、唔算太腍、都微微爽口，免強滿意啦，當然唔能夠同以前比啦。湯底香濃美味，配埋滑溜河粉及嚥韌熟麵，正呀 ﹗仲有我最愛既辣椒油，又香又辣，一大羹滿滿的剛好送一碗麵。招牌自家製辣椒油，香辣無窮，夠刺激 ﹗我經常都話，粉麵只不過係配角，真正主角係辣椒油 ﹗
我絕對一滴都唔會浪費，全部啪晒落肚架 ﹗非凡惹味，香辣非常，美味極致 ﹗飲啖靚湯送粒魚蛋，質數穩定幾好味，繼續努力呀 ﹗湯底清甜，魚蛋味濃有點爽彈，滿意。熟麵捲著河粉夾埋魚蛋衝入口，多種味道與質感碰撞，十分美味。
魚蛋鴛鴦加底加皮走蔥，可遇不可求的熱騰騰香濃湯底，久違了 ﹗失散多年既新蔡彈牙魚蛋居然重現係我碗中，會否又是曇花一現？魚蛋鮮甜魚味濃郁，又彈又爽，希望您真的是回來了 ﹗靚魚蛋返來了 ﹗魚味濃而口感彈牙，咸香飄飄，好好味。湯底香濃熱辣辣，再配埋滑溜河粉同嚥韌熟麵真係無得頂 ﹗加埋自製秘傳辣椒油，真係食極都唔夠呢 ﹗
熟麵嚥韌、河粉滑溜，已沒什麼要求。炸魚皮一定要浸湯食，索盡湯汁精華，半脆半軟又鬆化 ﹗魚皮香脆，留到最尾先食，索埋湯汁，半脆半腍美味極致。彈牙熟麵混上棉滑河粉夾著香甜湯汁加埋大量辣椒肉，那有不好吃的可能 ﹗無投訴，超水準表現，非常滿意 ﹗清得乾乾淨淨，全部食晒連湯汁都飲到一滴不漏依然唔夠喉呀，好有添食衝動 ﹗食一碗真係唔夠喉呀，要忍忍口先得 ﹗
魚蛋鴛鴦加底加腩走蔥，師傅心情大好，水準無甩拖，好好味呀 ﹗湯底香甜濃郁又熱辣辣，河粉棉滑、麵質嚥韌，溫度剛剛燙嘴非常重要，特別好食。魚蛋實淨魚味濃富彈性，牛腩炆得軟棉多汁又入味，好滿意。
自家製辣椒油，我愛淨食渣，要渣唔到油，添一點豉油，夠香夠辣有咸香 ﹗一羮免強夠送碗細麵啦，但加底一定要兩羮先滿足到我。因為新蔡辣椒油勁正，完全忍唔到口，辣能使你感覺開心一點！雞湯底加上腩汁真係別有一番風味，仲想添食多一碗，但要節制下啊，已經變左肥佬了 ﹗
心裡掙扎左好耐，樣樣都想食 ﹗又想牛腩、又想粉腸，但係 order 魚蛋鴛鴦加底加腩加腸加皮好似誇張得滯，叫個淨牛腩又好似太多，最後都係食返例牌啦，哈哈 ﹗一羮辣椒油係唔夠送一碗麵架，我要兩大羮先滿足到 ﹗加左辣椒油既湯更惹味，飲到停唔到口，全部都要飲晒落肚先得。好好味，有質數，讚呀 ﹗
湯底香濃又夠熱，魚蛋質地微彈帶魚鮮味，牛腩炆得夠腍入味，不鞋不硬帶肉汁。河粉滑溜、熟麵嚥韌彈彈，Good ﹗當然唔少得我最愛既辣椒油啦，淋上大量辣椒肉係粉麵度，再大啖啜入口，爽到震。師傅唔太忙既時間係煮得特別好食既 ﹗
魚蛋鴛鴦加底加皮加腩走蔥，想食好多好多河粉，但又想食熟麵，最後都唯有照舊食鴛鴦 ﹗湯底最緊要夠熱及剛剛燙嘴，濃郁香甜，正呀 ﹗粉河棉滑、熟麵嚥韌，一次過啪入口真係多重享受，唔洗五分鐘倒晒落肚喇，不過當然始終唔夠喉啦 ﹗魚蛋回覆彈牙而魚味香濃，好美味 ﹗
魚皮炸到香口卜卜脆，讓她索飽湯汁，外軟內脆，正到震。牛腩碎，細細舊，而且口感較鞋，不過味道同肉汁就唔錯。自家辣椒油係我既主菜黎架 ﹗啖啖辣椒渣同粉麵撈埋一齊，好刺激 ﹗新蔡辣椒油香辣無比，勁辣呀！
魚蛋鴛鴦加底加腸走蔥，辣椒油才是主角 ﹗魚蛋唔錯唔錯，魚味濃厚充滿彈性，粉腸夠滑又夠彈，香甜無比。湯底熱燙燙，好味道 ﹗
新蔡潤記辣椒油
7 views
0 likes
0 comments
魚蛋鴛鴦加底加牛腩走蔥
8 views
0 likes
0 comments
魚蛋河加底加粉腸走蔥
27 views
0 likes
0 comments
魚蛋河加底加皮走蔥
17 views
0 likes
0 comments
魚蛋河加底加皮走蔥
11 views
0 likes
0 comments
魚蛋河加底加皮走蔥
7 views
0 likes
0 comments
新蔡潤記辣椒油
4 views
0 likes
0 comments
魚蛋鴛鴦加底走蔥
7 views
0 likes
0 comments
新蔡潤記辣椒油
6 views
0 likes
0 comments
魚蛋鴛鴦加底加皮走蔥
0 views
0 likes
0 comments
魚蛋鴛鴦加底加皮走蔥
2 views
0 likes
0 comments
魚蛋鴛鴦加底加腩走蔥
1 views
0 likes
0 comments
魚蛋鴛鴦加底加腩走蔥
2 views
0 likes
0 comments
魚蛋鴛鴦加底加腩走蔥
2 views
0 likes
0 comments
魚蛋鴛鴦加底加皮走蔥
13 views
0 likes
0 comments
魚蛋鴛鴦加底加皮走蔥
12 views
0 likes
0 comments
魚蛋鴛鴦加底加皮走蔥
9 views
0 likes
0 comments
魚蛋鴛鴦加底加皮加腩走蔥
5 views
0 likes
0 comments
魚蛋鴛鴦加底加皮加腩走蔥
6 views
0 likes
0 comments
新蔡潤記辣椒油
22 views
0 likes
0 comments
魚蛋鴛鴦加底加腩走蔥
19 views
0 likes
0 comments
魚蛋鴛鴦加底加粉腸走蔥
5 views
0 likes
0 comments
魚蛋鴛鴦加底加粉腸走蔥
1 views
0 likes
0 comments
Post
