丼丼屋 (Closed)

旺角近登打士呢間丼丼屋特別少人，之前去其他間食，感覺上環境同食物乾淨啲。男朋友嗌左蝦帶子魚生飯，我嗌左迷你魚生飯跟基本定食。刺生都算新鮮，不過都預左啲餸唔夠送飯，所以嗌左個玉子燒。個玉子燒真係好唔掂，一睇個樣都feel到唔好食。 首先個蛋整好好鞋，煎到好乾，口感勁差。第二，個味都好難食，基本上係冇咩味，唔覺得食緊蛋，好似食緊膠咁。煮成咁都好意思收四十幾蚊，喊出黎。定食嘅沙律一如以往都keep住新鮮，唔錯。