澳瑪葡國菜 (Closed)

唔講其他，食評只講食物，已夠差了。。我們這一家，2大2小，是日晚餐點咗：薯蓉青菜湯、白酒煮蜆、炸魷魚圈、葡國腸焗鴨飯，牛肋骨。等我續樣講：薯蓉青菜湯~ 其實係一碗忌廉湯加薯蓉，至於青菜~有嘅，三幾條囉！我認識嘅正常青菜湯應該係半透明帶微黃嘅湯（因有薯蓉），然後清晰可見滿滿嘅青菜，每一羹裝起都好多菜，再加少少煙火腿絲；但呢碗嘢一上枱，我仲以為佢比錯忌廉湯我！中間有一小撮菜，都唔知有無三條，再加切到好厚嘅葡國腸兩塊，完全唔係嗰回事!白酒煮蜆~雪藏蜆就預咗㗎喇，但雪到完全無味嘅又難得嘅! 碟嘢除有少少酒味，嗰啲貝殼類有蜆肉嘅咬口外，其他真係唔知點形容。。啲蜆係完全無蜆味嘅，啲汁又好少，食面嗰啲就無汁又無味，食到底又咸，碟嘢好細碟，但就有好多唔開口嘅蜆，淨係我自己一個用手打開都有10隻，未計我老公! 此足以証明佢唔單止雪藏，仲要係死咗一段時間先雪炸魷魚圈~ 剛上枱個賣相幾好，用义一拮落去就知“瀨”嘢! 剛炸起都可以硬到要用力先拮到落去，咬落好似炸過籠咁都係硬嘅，都唔知佢啲炸粉點調較。反而攤凍咗“淋”啲易食啲。牛肋骨~ 我寫食評同做人一樣都係持公平態度，唔好就唔好，好嘅都如實回報。呢碟牛肋骨係整