象泰 (Closed)

今日又係食泰國菜嘅時間啦，屯門雅都花園經過左大裝修，今日嚟到呢度嘅象泰宴。泰式生蝦，淨係睇個賣相已經夠晒吸引啦，一隻杯裝住，而且醬料都分開兩種，一種係紅色，一種係綠色，綠色嘅比較香味重，但係紅色嘅就比較偏辣辣，蝦肉新鮮爽口，配上佢哋嘅都有醬汁，份外覺得美味。海鮮菠蘿炒飯，淨係睇個外相，已經覺得開心又吸引，成個菠蘿喺度做襯托，但係最緊要嘅係食落真係好有鑊氣，而且食到淡淡的菠蘿肉，食入口十分之有驚喜。軟殼蟹米紙卷，係我最鍾意嘅小食之一搭好皮好薄，而且新鮮包起，依然好有彈性，裏面嘅軟殼蟹，新鮮炸起，入口脆身，而且包得夠晒紮實，點上魚露食，好滋味。椰青膏作為甜品，一定係最好嘅選擇，青高佢有別於一般嘅餐廳，因為佢係新鮮整起，仲熱辣辣最緊要嘅係入口富有彈性， QQ地，份外滋味。