Video
Read full review
2021-02-22
379 views
o係netflix 睇完某套台灣金馬電影，突然又很思鄉——「異鄉」個鄉啦。唔得，要食番d 台灣o野解下相思之苦，於是揀中o左呢間餐廳，細細間，o係厚福街大街轉角位。裡面全部都係長檯單邊座，裝修主要用上水泥牆同磚頭，感覺粗獷，掛上少許台灣明信片。試o左個蒜汁雞絲冷麵($54 無加一)，以紙盒盛載，猶如便當一般，增添一點台灣風情。適逢新正頭，食之前先來大刀闊斧咁亂摷一通，但求撈到風生水起！呢個冷麵個蒜油簡直係精髓，惹味非常，能夠將個麵提昇一個層次。menu 上提到有微辣，不過都真係好少辣o者。食過出面一d 日式冷麵，d 拉麵好粗身，或者d 汁俾得唔夠，turn out 只係滿口粉漿o既口感，但呢度就o岩o岩好，麵身爽口又吸汁。至於d 雞肉，就未算好大驚喜，都係便當一般常見o既quality，可謂不過不失。叫一個飯麵可以以優惠價加配小食同o野飲，當然要叫埋。記得之前去九份食過o既芋圓超好味，香港唔少台式餐廳都得叫，但炸o既版本好似真係第一次見。黃金芋圓波(跟餐$25) 同想像中感覺好唔同，係圓碌碌一大粒。佢外層好熱，裡面滿滿紫色芋圓o既甜味，口感則似棉花糖，好特別，值得一試！飲品點o左珍珠奶
食物
19 views
0 likes
0 comments
試o左個蒜汁雞絲冷麵($54 無加一)，以紙盒盛載，猶如便當一般，增添一點台灣風情。適逢新正頭，食之前先來大刀闊斧咁亂摷一通，但求撈到風生水起！呢個冷麵個蒜油簡直係精髓，惹味非常，能夠將個麵提昇一個層次。menu 上提到有微辣，不過都真係好少辣o者。
蒜汁雞絲冷麵 ($54)
14 views
0 likes
0 comments
食過出面一d 日式冷麵，d 拉麵好粗身，或者d 汁俾得唔夠，turn out 只係滿口粉漿o既口感，但呢度就o岩o岩好，麵身爽口又吸汁。至於d 雞肉，就未算好大驚喜，都係便當一般常見o既quality，可謂不過不失。
叫一個飯麵可以以優惠價加配小食同o野飲，當然要叫埋。記得之前去九份食過o既芋圓超好味，香港唔少台式餐廳都得叫，但炸o既版本好似真係第一次見。黃金芋圓波(跟餐$25) 同想像中感覺好唔同，係圓碌碌一大粒。佢外層好熱，裡面滿滿紫色芋圓o既甜味，口感則似棉花糖，好特別，值得一試！
黃金芋圓波 (跟餐$25)
6 views
0 likes
0 comments
飲品點o左珍珠奶綠(跟餐$6)，杯身少少黑糖虎紋，d 珍珠咬落去甜甜的，滿足我o既饞嘴，也滿足我o既思鄉病~
珍珠奶綠 (跟餐$6)
16 views
0 likes
0 comments
Post
