甜入心 (Closed)

星期天要出去呢頭買電腦配件, 又遇著落雨, 行到攰攰地就最岩搵間食店坐下, 呢頭既選擇都有各式各樣, 行下行下又比我地發現到呢間甜品舖入坐率都有八成, 好彩咁岩有張枱可以坐低........HEE...HEE....甜品種類選擇都唔少, 有連心窩夫, 吐司類, 飄雪冰, 飲品, 冰凍/滋潤熱湯水而呢度最出名既可算係椰皇子家族, 成員都有好幾個, 一定選到岩食既然咁出名, 當然要試下啦, 呢款焦糖布甸椰皇子($36/暖), 有凍/暖選擇, 原隻椰皇入面包括椰子水凍, 面頭再有原隻焦糖布甸, 食落口感滑嘟嘟, 焦糖既甜味混合椰青既清甜味, 兩者可以成為好朋友!身為榴槤控的我, 每次都忍唔住叫有榴槤成份既甜品, 呢款榴槤飄香椰皇子($49/凍), 原球榴槤果肉放在清香椰子水凍上, 加上椰子汁一齊食, 香濃甜美既榴槤肉同滑嘟嘟既椰子水凍一齊食, 兩種果香味大爆發, 口味獨特!食完D唔駛點咬既甜品,又想食D"硬野", 呢款芒果吐司粒粒山 ($48), 份量足夠二人分享, 脆香多士粒被芒果醬重重包圍住, 頂上仲有一球滿有果肉粒既芒果雪糕, 用叉"吉"住食好方便!邪惡一D再點埋醬汁及雪糕一齊放入口,