心粥館 (Closed)

本來 7 點黎荔枝角係打算同朋友仔食西班牙菜架麻，點知 full 左，waitress 話最快要等到 7 點半先可能有位，可能？唯有放棄，是但搵間食完就返大埔，點知坐低無耐就打電話比我，太遲喇！您已經流失左我依個客仔喇。朋友仔決定帶我去心粥館，無所謂，未去過。嘩！勁多野食喎，炒粉麵飯、廣東小炒、潮州粉麵、煲仔粥、魚湯米線、蒸魚、蒸餸、菜飯、燉湯、等等，最正係好多蒸魚菜色，好少有。好似太雜喇麻，花多眼亂好多野想試，但得兩個人食唔到咁多。普通快餐店格局，環境一般。估唔到各侍應嬸嬸們熱情有禮又耐心推介食品，非常難得！地方都幾寬敞，晚市食客都不太多。鵪𪂹燉湯，應該每款既湯膽都係一樣，有 order 就落料滾一滾，可能係，哈哈。鵪𪂹邊可能咁油架，雞油？不過堅夠火喉，香味濃郁帶蔘鬚及藥材味道，仲有兩舊鵪𪂹肉咬吓，好好飲，雖然油左少少，我都全部飲晒，甜美可口。淮山杞子花旗蔘老雞燉湯，朋友仔碗湯料多我好多喎，聞到非常香花旗蔘味，特濃雞味芳香，同樣好飲好飲。膏蟹煲仔粥，可以揀一隻蟹或兩隻蟹，一蟹粥誠惠 HKD68 蚊，無期望所以無失望。蟹肉都新鮮甜美帶肉汁，不過勁細隻無咩肉，蟹膏欠棒。粥底夠棉，但食唔到