富

Open Now

Now Closed

大館3樓有一間餐廳，經常有唔同主題的下午茶，之前book咗幾次，每次到最後都臨時取消，沒有緣。今次終於成團了。一早就在OpenRice預訂咗，亦都在OpenRice 講到明係生日。有兩間唔同款式的房間，一間是比較古典feel，燈光比較暗。另一間是粉紅色房，當然如果想打卡，梗係粉紅色房。原本諗住生日佢會自動自覺俾粉紅色房我哋，原來我太天真了，結果被安排到普通房。😂所以緊記要提早要求粉紅色房，否則有機會不能安排粉紅色房間。是Häagen-Dazs主題，鍾意食Häagen-Dazs雪糕的話，就不能錯過。藍莓羊奶芝士撻，食得出係用羊奶整，幾有趣。菠菜蘑菇，蘑菇好多Juice。士多啤梨芝士餅，軟身，但味道也很好吃。其他鹹點及甜點味道都正常，沒什麼驚喜。因已提早同講了是朋友生日。三層架只放下兩層的食品。而頂層甜品會分開，用一隻大碟盛載着，並寫着朋友名字的生日快樂，點着蠟燭。一邊唱歌放上枱。一人一杯Häagen-Dazs的雪糕。士多啤梨或藍莓撻味。每人有一包禮物，小袋子，鏡，和指定雪糕券。