九重鮮 (Closed)

又係一年一度既拍拖紀念日， 為左慶祝我一定會book好嘢食（藉口...哈...）。最近人人都食蟹， 睇到我流口水，而我就鍾意多選擇，食多幾款嘢，所以揀左食海鮮塔。我推介升級版濟洲島10海鮮塔，全部海鮮鮮甜厚肉又多汁，其中一層係牛仔骨， 肉質細嫩，完全無令我們失望，老公都話可以再encore，美中不足係欠缺粥底。海鮮塔需加熱到95度才食得....  先食份韓式泡菜煎餅， 捲埋泡菜食，好惹味  第一層︰韓國象拔蚌 + 韓國魚糕花膠串象拔蚌爽口、花膠肉厚彈牙  第二層︰泰國海蝦 + 蒜蓉粉絲日本大元貝海蝦爽甜大隻、元貝肉厚肥美 第三層︰加拿大波士頓龍蝦 龍蝦生猛新鮮，啖啖肉 第四層︰安格斯牛仔骨 + 花尾龍躉指天翅牛仔骨肉質細嫩、龍躉皮厚好咬口第五層︰大花蛤花彫薯蓉 其中一層我愛，薯蓉吸哂花彫香味，食落好啖啖酒香，好正，花蛤鮮甜 第六層︰蠔汁大蓮鮑魚 、日本蕃薯、粟米、蘿蔔鮑魚大隻又彈牙，蕃薯&粟米超甜又多汁，但蘿蔔就較淡無味除左海鮮塔外， 還有韓式自助吧🥗，有數十款韓式美食及甜品，加$12還可以任飲 這店除左有得食外， 還有得玩😆，在餐廳入口處有自助韓服體驗👘。九重鮮