Video
Read full review
2019-05-11
234 views
朋友見我好鍾意食泰國菜，專登介紹左呢間係尖沙咀The One 嘅「Cambo ขุนทอง」比我。放左工梗係急不及代地即刻去食啦🙆♀️.係門外窺視，環境不俗，餐廳裝潢以木為主，整齊企理，舒服寫意～.泰式炒飯 ($72)可以係雞/豬/牛三款肉類入面揀一款去炒，我就揀咗雞肉～泰式炒飯嘅配料除咗有雞肉，仲有豆角粒，蛋花，香草葉等，再加入辣椒去爆炒。炒飯粒粒分明，入口香辣又惹味，好岩我呢D中意重口味嘅食辣怪🤣.香葉包雞 ($60)睇落好似一舊舊迷你形嘅粽，其實入面係雞肉🙈雞肉用香茅醃入味，再用班蘭葉包裹住落油炸。雞肉外酥內嫩，香茅味濃郁更帶點斑蘭香，隔離仲有甜酸醬，酸酸甜甜，胃口更開😍.泰式青咖哩軟殼蟹鍋。法包 ($113)呢一Set 分為青咖哩鍋，酥炸軟殼蟹同法包。青咖哩味道濃郁，咖喱香比普通紅咖喱淡少少，亦唔會好辣～火爐仔慢慢燒滾青咖喱，裏面仲有豐富配料，如迷你茄，翠玉瓜，豆角等等。而酥炸軟殼蟹係另上嘅，避免左比醬汁浸林嘅弊處，軟殼蟹入口香脆，一啲都唔會覺得油膩添👍熱辣辣嘅法包沾一沾青咖喱，吸盡青咖喱嘅精華，既脆又軟，超好味🥰P.S.💁♀️建議多叫一個法包先會滿足呀😋.椰汁西米糕 （$33）
朋友見我好鍾意食泰國菜，專登介紹左呢間係尖沙咀The One 嘅「Cambo ขุนทอง」比我。放左工梗係急不及代地即刻去食啦🙆♀️
.
係門外窺視，環境不俗，餐廳裝潢以木為主，整齊企理，舒服寫意～
.
泰式炒飯 ($72)
可以係雞/豬/牛三款肉類入面揀一款去炒，我就揀咗雞肉～泰式炒飯嘅配料除咗有雞肉，仲有豆角粒，蛋花，香草葉等，再加入辣椒去爆炒。炒飯粒粒分明，入口香辣又惹味，好岩我呢D中意重口味嘅食辣怪🤣
.
香葉包雞 ($60)
睇落好似一舊舊迷你形嘅粽，其實入面係雞肉🙈雞肉用香茅醃入味，再用班蘭葉包裹住落油炸。雞肉外酥內嫩，香茅味濃郁更帶點斑蘭香，隔離仲有甜酸醬，酸酸甜甜，胃口更開😍
.
泰式青咖哩軟殼蟹鍋。法包 ($113)
呢一Set 分為青咖哩鍋，酥炸軟殼蟹同法包。青咖哩味道濃郁，咖喱香比普通紅咖喱淡少少，亦唔會好辣～火爐仔慢慢燒滾青咖喱，裏面仲有豐富配料，如迷你茄，翠玉瓜，豆角等等。而酥炸軟殼蟹係另上嘅，避免左比醬汁浸林嘅弊處，軟殼蟹入口香脆，一啲都唔會覺得油膩添👍熱辣辣嘅法包沾一沾青咖喱，吸盡青咖喱嘅精華，既脆又軟，超好味🥰
P.S.💁♀️建議多叫一個法包先會滿足呀😋
泰式青咖哩軟殼蟹鍋。法包
$113
9 views
0 likes
0 comments
.
椰汁西米糕 （$33）
泰國菜點會少得椰汁西米糕呢🙈 西米糕分成兩層，頂層係椰汁糕，底層係西米仲夾雜住芋頭粒呢☺️食落唔會好甜呢～
.
龍眼冰 （$28）
勁多粒嘅龍眼肉！不過略嫌偏甜左少少🙈
龍眼冰
$28
14 views
0 likes
0 comments
Post
