魚眾不同酸菜魚 (長發廣場)

Open Now

Now Closed

平時食酸菜魚一係出九龍一係返大陸，今次就試吓呢間屋邨都搵到黎食嘅酸菜魚今次就揀咗一個老壇酸菜湯配鯛魚，雖然酸菜魚嚟講呢我都食得唔少嘅，但係配搭鯛魚真係第一次。佢呢到個湯底酸辣鮮香。酸菜唔會過份嘅酸搶左魚嘅鮮美，兩者做到好好嘅平衡。另外佢加入左辣椒等嘅香料，小小嘅辣味令到我哋更加開胃。更加重要嘅係我哋今次揀咗佢嘅鯛魚，入口相當之彈牙，唔會一入口就散晒。魚味香濃，加埋個湯底一齊食，酸辣香一啖食勻晒，令人回味無窮。同埋，佢可以加入唔同嘅配料好似蔬菜、豆腐、午餐肉咁，都令到酸菜魚嘅味道變化更加大，口感更加豐富。另外我都嗌咗佢個川味口水雞，相對佢個老壇酸菜魚嚟講，呢個川味口水雞就比較普通。雖然雞嘅處理唔錯，食落唔會好韌，但係佢個川味略嫌酸亦唔夠辣。可能為咗配合大眾嘅口味，唔敢調校成太辣。但就似一個唔太口水嘅口水雞。但係拎嚟送飯仍然係一流嘅配搭。