當下 (翠怡花園) (Closed)

是日WFH完劇烈頭痛睡至9點，肚餓非常，家住青怡樓下燉奶佬話已經截左單，FOOD PANDA最快都起碼30分鐘送到，絕望之際找到Present的傳單，覺得好難以置信自己竟然外賣牛扒心諗黎到都凍哂啦塊扒，但冇野食又唔想食樓下食到爛既茶餐廳所以最後就好任性咁叫了牛扒。最後20分鐘送到府上，所以食物仍是熱的，牛扒幾正常，唔係大快活果啲，有牛味，我食開一田百幾蚊塊自己煎果啲質素，都覺得佢唔差。食開4成熟，但餐廳話得3，5，7，9選擇，選了5成。但下次我會叫3成，因為黎到唔知係咪焗多左陣我感覺我所叫既5成似7成。其餘配菜都比想像中好，居家抗疫可以叫下，咁好既店係要支持下。