Video
Read full review
2021-10-19
1929 views
十月終於等到第二期消費劵來臨，俾二千蚊我哋使就等如皇恩浩蕩😑。其實拎住呢舊錢都唔敢大吃大喝，所以都係精明為上。我同呀媽星期六去咗尖沙咀嘅「茴香」食晏，因為見佢週末都有提供午市套餐，好似幾抵食咁。餐廳位於山林道銀座17樓，居高臨下，客人可將尖沙咀一帶嘅城市景色一覽無遺🌆。同時，呢度裝修亦都唔錯，擺放咗唔少植物作點綴，環境讓人舒服放鬆。午餐一共有九款選擇🍽，價錢由$68至$128不等，包指定冷熱飲品。除咗牛扒較貴之外，我認為其他款式一律可以用性價比高嚟形容，唔好忘記呢度係尖沙咀區喎。新西蘭鮮牛肉眼配泰國蝦片黑松露野菌汁($128)，店員溫馨提示牛扒係偏薄身，咁都好嘅，等客人掌握多啲資訊先確定落單😛。牛扒其實都OK嘅，夠大塊，厚度就類似牛小排，但始終偏薄，所以熟度比較難控制，幸好肉質並無變韌，牛味亦保持濃郁🥩。伴旁嘅黑松露汁幾惹味，鹹香十足。配菜部份幾繽紛，嗰幾塊泰國蝦片超爽脆，而另外嘅薯菜亦幾好食🥔。去骨海南雞飯配當歸蘿白雞清湯($78)，呢碟海南雞飯好高質，就連呀媽都讚不絕口👍。海南雞同油飯都處理得好好，份量亦適中。首先，佢啲海南雞整得超級嫩滑🐔，但同時亦不乏彈性。雞肉去骨去得好乾淨，白
十月終於等到第二期消費劵來臨，俾二千蚊我哋使就等如皇恩浩蕩😑。其實拎住呢舊錢都唔敢大吃大喝，所以都係精明為上。我同呀媽星期六去咗尖沙咀嘅「茴香」食晏，因為見佢週末都有提供午市套餐，好似幾抵食咁。
餐廳位於山林道銀座17樓，居高臨下，客人可將尖沙咀一帶嘅城市景色一覽無遺🌆。同時，呢度裝修亦都唔錯，擺放咗唔少植物作點綴，環境讓人舒服放鬆。
午餐一共有九款選擇🍽，價錢由$68至$128不等，包指定冷熱飲品。除咗牛扒較貴之外，我認為其他款式一律可以用性價比高嚟形容，唔好忘記呢度係尖沙咀區喎。
新西蘭鮮牛肉眼配泰國蝦片黑松露野菌汁
$128
47 views
0 likes
0 comments
新西蘭鮮牛肉眼配泰國蝦片黑松露野菌汁($128)，店員溫馨提示牛扒係偏薄身，咁都好嘅，等客人掌握多啲資訊先確定落單😛。牛扒其實都OK嘅，夠大塊，厚度就類似牛小排，但始終偏薄，所以熟度比較難控制，幸好肉質並無變韌，牛味亦保持濃郁🥩。伴旁嘅黑松露汁幾惹味，鹹香十足。配菜部份幾繽紛，嗰幾塊泰國蝦片超爽脆，而另外嘅薯菜亦幾好食🥔。
去骨海南雞飯配當歸蘿白雞清湯
$78
31 views
0 likes
0 comments
去骨海南雞飯配當歸蘿白雞清湯($78)，呢碟海南雞飯好高質，就連呀媽都讚不絕口👍。海南雞同油飯都處理得好好，份量亦適中。首先，佢啲海南雞整得超級嫩滑🐔，但同時亦不乏彈性。雞肉去骨去得好乾淨，白𠽌𠽌無瘀黑，又夠入味，沾埋三色醬食(即係黑醬油、酸辣醬同薑蓉)，更可還原傳統風味。🍚油飯呈淡黃色，並滲透出啖啖油香，但如果能夠乾爽啲會更佳。
當歸蘿白雞清湯，湯品比平日嘅冬瓜湯好飲得多🤤，味道濃郁，又夠熱。由於加咗當歸同紅棗杞子等一齊煲，所以帶點藥膳湯嘅感覺，但唔算苦，易入口。
飲品方面，餐飲包凍芒果綠茶同熱柚子蜜，我哋都要咗凍飲，天氣熱嘛。🥭芒果綠茶好大杯，味道都幾香，但有少少甜，溝啲水會好啲。
午餐有加配選項，其中加$28(每人)可享沙律吧🥗。我認為食物選擇唔算多，不過勝在價錢唔貴。自助吧有得拎西瓜、紅火龍果、雞絲木瓜沙律、薯仔雞蛋沙律、番薯、羽衣甘藍、沙律菜同椰汁西米糕，另外亦有多款醬汁可選。
我哋乜都拎咗啲，食下食下都幾飽️。椰汁糕好重椰香，必食推介🥥。
總括嚟講，今日同媽媽品嚐咗一頓唔錯嘅半自助泰式午餐🇹🇭😍，大家都好滿意，並一致認為可再次幫襯。後來我向喺尖沙咀返工嘅朋友們推介呢度，佢哋話一早就知呢間正嘢，仲成日去食添啦！
Post
