Plato Cafe & Bistro (Mikiki)

今日結婚週年，老公帶左我去新蒲崗新閞既西餐廳Plato，用餐環境優美，有一排落地玻璃窗，景觀一流。精選二人套餐，包含是日餐湯、前菜、意大利粉或意大利飯、主菜、兩份是日精選甜品、2杯飲品。蘑茹湯：打得綿滑濃郁，能吃到蘑菇蓉。煙三文魚凱撒沙律：花型煙三文魚肉質軟滑，配上新鮮爽脆羅馬生菜、鹹香煙肉粒、麵包粒，淋上醋及芝士碎，係十分開胃既前菜。北海道帶子松露野菌意大利粉：北海道帶子大粒鮮甜，意大利粉煮得軟硬適中，充滿松露獨特既香氣，口感非常豐富。炭燒澳洲肉眼牛扒：牛扒叫左五成熟，煎得啱啱好，入口肉質細嫩，而且牛味好濃郁，配菜既調味亦好出色。海鹽焦糖芝士蛋糕： 芝士味道濃郁，蛋糕香軟幼滑，焦糖醬甜而不膩。總結，食物份量恰到好處，座位舒服，絕對係一個放鬆和享受美食既好地方。