Video
Read full review
2021-12-12
342 views
今次要介紹嘅係位於IFC Mall嘅一間中菜, 內在環境同個無敵海景認真一流! 價錢就唔好預平啦不過食物質素都真係唔錯. 今次我地一行五人試左佢嘅點心:1. 花之戀 (蟹籽春卷) $62賣相好靚, 炸得啱啱好, 唔燶. 入面隻蝦好大粒, 有誠意. 推介👍🏻👍🏻2. 招牌蜜汁黑豚肉叉燒 $238欣賞佢有個火熱住，將蜜汁更融入叉燒之中. 叉燒更加係肥, 半肥, 瘦都有, 滿足到唔同人口味. 份量都唔算少, 係高質嘅3. 招牌炒飯 $168用蝦, 蟹肉, 叉燒同菜心炒成, 足料. 炒得乾身, 粒粒分明, 唔錯. 份量方面足, 分到6碗4. 上湯金魚餃 $68其實就係蝦餃嘅上湯版😂gimmick野, 個皮好煙韌, 蝦肉多汁, 有灌湯餃嘅感覺5. 香檳金蝦餃 $68蝦餃非常值得推介! 賣相粉紅色系, 好少女😆以為又係gimmick野但食落好有驚喜, 皮好薄, 餡好多好多汁, 果然蝦係哩度嘅主打👍🏻👍🏻👍🏻6. 酥皮菠蘿黑豚肉叉燒包 $68相對之下哩個就比較普通, 唯一特別就係入面有真.菠蘿. 同出面雪山叉燒包無乜分別7. 太極馬拉糕 $62另一款好精緻嘅點心, 用芝麻同黃糖整成, 不得不讚芝麻嗰
1. 花之戀 (蟹籽春卷) $62
賣相好靚, 炸得啱啱好, 唔燶. 入面隻蝦好大粒, 有誠意. 推介👍🏻👍🏻
2. 招牌蜜汁黑豚肉叉燒 $238
欣賞佢有個火熱住，將蜜汁更融入叉燒之中. 叉燒更加係肥, 半肥, 瘦都有, 滿足到唔同人口味. 份量都唔算少, 係高質嘅
3. 招牌炒飯 $168
用蝦, 蟹肉, 叉燒同菜心炒成, 足料. 炒得乾身, 粒粒分明, 唔錯. 份量方面足, 分到6碗
4. 上湯金魚餃 $68
其實就係蝦餃嘅上湯版😂gimmick野, 個皮好煙韌, 蝦肉多汁, 有灌湯餃嘅感覺
5. 香檳金蝦餃 $68
蝦餃非常值得推介! 賣相粉紅色系, 好少女😆以為又係gimmick野但食落好有驚喜, 皮好薄, 餡好多好多汁, 果然蝦係哩度嘅主打👍🏻👍🏻👍🏻
6. 酥皮菠蘿黑豚肉叉燒包 $68
相對之下哩個就比較普通, 唯一特別就係入面有真.菠蘿. 同出面雪山叉燒包無乜分別
7. 太極馬拉糕 $62
另一款好精緻嘅點心, 用芝麻同黃糖整成, 不得不讚芝麻嗰邊好香, 而且唔太甜, 賣相同味道都吸引👍🏻
8. 舍包包 (扣肉) $62
中式burger, 用扣肉做餡, 好彩唔係全肥肉否則好難入口. 味道一般般啦, 食完唔會記得
推介: 蝦餃, 春卷, 馬拉糕
Overall 點心係滿意嘅, 做得非常精緻. 價錢唔平但又唔係話overprice, 始終同個無敵海景chill住食, 會番食!
Post